ޕާކިސްޠާނުގައި އެޤައުމުގެ ސިފައިންނަށް އަމާޒުކޮށް ދިން ޖާނުން ފިދާވުމުގެ ހަމަލާއެއްގައި 9 ސިފައިން ޝަހީދުވެއްޖެއެވެ.

ޕާކިސްޠާނުގެ ހުޅަނގު ދެކުނުން އޮންނަ ބޮލެޗިސްތާނަށް އޮފިސަރުން ތަކެއް ގޮވައިގެން ދިޔަ ވެހިކަލްއަކަށް އަމާޒުކޮށް ދިން ހަމަލާ ދިން މީހާ އައީ މޮޓޯ ސައިކަލެއްގައި ކަމަށް އަލްޖަޒީރާގައި ބުނެފައިވެއެވެ. ސައިކަލުގައި އައި މީހާ ގަސްދުގައި ފުލުހުންގެ ވެހިކަލްގައި ޖައްސައިފައިވާކަމަށް ވެސް އަލްޖަޒީރާގައި ބުނެފައިވެއެވެ.

 މި ހަމަލާފގައި 9 މީހަކު ޝަހީދު ވެފައި ވާއިރު 13 މީހަކު ވަނީ ޒަހަމްވެފައެވެ.

ބޮލޮޗިސްތާނުގެ ކާޗީ ޑިސްޓްރިކްގެ ޑެޕިޔުޓީ ކޮމިޝަނަރ އޮފް ޕޮލިސް އާޣާ ސަމީއުﷲ ވިދާޅުވީ މި ހާދިސާ ހިނގާފައިވަނީ ހޯމަ ދުވަހުގެ ހެނދުނު ކަމްބީރީ ބްރިޖް ކައިރީގައި ކަމަށެވެ.

އާޣާ އިތުރަށް ވިދާޅުވީ ފުލުހުންގެ އެވެހިކަލްގައި 22 އޮފިސަރަކު ދަތުރުކުރަމުންދިޔަ ކަމަށެވެ.

"އެޓީމު ދަތުރުކުރަމުން ދިޔައީ ސިބީ ސިޓީއިން ކުއެއްޓާ އަށް އައުމަށް، ހަފްތާ ބަންދުގައި ސިބީ ގައި އޮތް ޘަޤާފީ ފެސްޓިވަލެއްގެ ސެކިޔުރިޓީ ކަންކަން ބެލެހެއްޓުމަށް ފަހު އެމީހުން އެނބުރި އައުމަށް ދަތުރުފެށ" އާޣާ ވިދާޅުވިއެވެ.

މި ހަމަލާގެ ޒިންމާ އަދިއ އެއްވެސް ޖިހާދީ ގްރޫޕަކުން ނަގައިފައެއް ނުވެއެވެ.

ކާޗީގެ ސީނިއަރ ޕޮލިސް އޮފިސަރެއް ވިދާޅުވެފައިވަނީ ޒަހަމްވި މީހުން ސިބީގެ މިލިޓަރީ ހޮސްޕިޓަލަށް ފަރުވާ އަށް ގެންދެވިފައިވާ ކަމަށެވެ.

ބޮލެޗިސްތާނަކީ ޒަމާނުއްސުރެވެސް ޕާކިސްޠާނުގެ ސަރުކާރާއި ވަރަށް ބޮޑަށް ވަކިވެގަނެފައި އޮންނަ ސަރަހައްދެކެވެ. އެސަރަހައްދުގެ ޤުދުރަތީ ވަސީލަތްތައް ސަރުކާރުން އަތުލައިގަނެފާނެ ކަމަށް އަބަދުވެސް އެމީހުން ތުހުމަތުކުރެއެވެ.

ޕާކިސްޠާނުގެ ބޮޑުވަޒީރު ޝެހެބާޒް ޝަރީފް ވަނީ ހަމަލާ ހަރުކަށި ޢިބާރާތުން ކުށްވެރިކުރައްވާފައެވެ.

މިދިޔަ މަހުވެސް ބޮލެޗިސްތާނުގެ ބަރްޚާން ސިޓީ ގައި ދިން ބޮމުގެ ހަމަލާއެއްގައި ފަސްމީހަކު މަރުވެ 14 މީހަކު ޒަހަމްވެފައިވެއެވެ.