ކަނޑުމަތީގައި ހިނގި އަލިފާނުގެ ހާދިސާއެއްގައި ރޯވެ ފެތިފައިވާ "އާގަލާ" ބޯޓުގެ ތަކެތި އޮޔާދާތީ ދަތުރުވެރިން ސަމާލުވުމަށް މޯލްޑިވްސް ނޭޝަނަލް ޑިފެންސް ފޯސްގެ ކޯސްޓް ގާޑުން އެދިއްޖެއެވެ.
ކޯސްޓްގާޑުން ބުނެފައިވަނީ "އާގަލާ" ބޯޓު ރޭގެ ވަގުތެއްގައި އަލިފާން ރޯވުމުގެ ސަބަބުން މ. ތުވަރުގެ ހުޅަނގުން އަޑިއަށް ގޮސްފައިވާ ކަމަށް މައުލާމާތު ލިބިފައިވާ ކަމަށެވެ. އަދި އެ ބޯޓު އަޑިއަށް ދިއުމާއި އެކު ބޯޓުމް ފެންމައްޗަށް އެރި ބައެއް ތަކެތި އޮޔާދާކަމުގެ މަޢުލޫމާތު ކޯސްޓުގާޑަށް ލިބިފައިވާ ކަމަށެވެ. ކޯސްޓުގާޑުން އިތުރަށް ބުނެފައިވަނީ އެތަކެތި އޮޔާދަނީ މ އަތޮޅު ކައިރިން އުތުރަށް ކަމަށެވެ.
އެހެންކަމުން އެ ސަރަހައްދުން ދަތުރު ކުރައްވާ ފަރާތްތަކުން މިކަމަށް ސަމާލުކަން ދިނުމަށް ވަނީ އިލްތިމާސްކޮށްފައެވެ.
އަދި ރޭގަނޑު އެ ސަރަހައްދުން ދަތުރުކުރާ ފަރާތްތަކުން ދަތުރު ކުރުމުގައި ހާއްސަ ސަމާލުކަމެއް ދިނުމަށް ވަސް ވަނީ ކޯސްޓްގާޑުން ވަނީ އެދިފަ އެވެ.
"އާގަލަ" ބޯޓުގައި އަލިފާނުގެ ހާދިސާ ހިނގިއިރުގައި އެ ބޯޓުގައި 15 މީހުން ތިބި ކަމަށް ވެއެވެ. އަދި އޭގެ ތެރެއިން ފަސް މީހުން ފިޔަވައި ދެން ތިބީ ބިދޭސީންނެވެ. އެއީ އިންޑީޔާގެ ފަސް މީހަކާއި ބަންގްލަދޭޝްގެ ފަސް މީހެކެވެ. ބޯޓުގައި ރޯވުމުން ސަލާމަތް ވުމަށް އެންމެންވެސް މޫދަށް ފުންމާލި ކަމަށް އެމްއެންޑީއެފް އިން ބުނެފައިވެއެވެ.
މޫދަށް ފުންމާލި މީހުންގެ ތެރެއިން 14 މީހުން ސަލާމަތް ކުރެވުނު އިރު އެކަކު ހޯދުމުގެ މަސައްކަތް ކުރަމުންދާ ކަމަށް އެމްއެންޑީއެފް އިން ވަނީ ބުނެފައެވެ. އަދި ގެއްލިގެން ހޯދަމުންދަނީ އިންޑީއާ ފިރިހެނެއް ކަމަށްވެސް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
