އަފްޣާނިސްޠާނުގެ ޔުނިވާސިޓީ ތައް ހުޅުވައި ފިރިހެން ދަރިވަރުންނަށް ކިޔަވަން ދިއުމުގެ ފުރުސަތު ހުޅުވާލައިފިއެވެ.
ޔުނިވާސިޓީތައް ހުޅުވާލުމާއި އެކު ފިރިހެން ދަރިވަރުން ވަނީ ކިޔެވުމަށް ކްލާސްތަކަށް ހާޒިރުވާން ފަށައިފައެވެ. އަފްޣާނިސްޠާނުގެ ޔުނިވާސިޓީ ތަކުގައި މަތީ ތައުލީމު ހާސިލް ކުރަމުންއައި އަންހެން ދަރިވަރުންނަށް އެފުރުސަތު ގެއްލިފައިވަނީ 2021 ވަނަ އަހަރު އަފްޣާނިސްޠާނުގައި އޮތް އިންތިހާބީ ވެރިކަން ވައްޓާލައި އެޤައުމުގެ ވެރިކަމަށް ޠާލިބާނުން އައުމާއި ގުޅިގެނެވެ.
"ވަރަށް ހިތްދަތިވޭ އަހަރެމެން ގޭގައި ތިބެންޖެހިފައި ފިރިހެން ކުދިންނަށް ޔުނިވާސިޓީ އަށް ދާނެ ފުރުސަތު ލިބުނީމަ" ގޮހްރު ޕްރޮވިންސްގެ 22 އަހަރުގެ ރަހޭލާ އަލްޖަޒީރާ އަށް ބުނެފައިވެއެވެ.
"މިއީ އަންހެނުން ކުދިންނާއި ދެކޮޅަށް ހިންގާ ޖިންސީ ތަފާތުކުރުން، އިސްލާމް ދީނުގައި މަނައެއް ނުކުރޭ އަންހެން ކުދިންނަށް މަތީ ތަޢުލީމު އުގެނުމަކަށް" ރަހޭލާ ބުނެފައިވެއެވެ.
ޠާލިބާނުންގެ ވެރިކަމުގައި އަންހެން ކުދިން ޔުނިވާސިޓީ ތަކަށް ދިއުމަށް ބޭނުން ނަމަ ޢަމަލުކުރަން ޖެހޭ އުސޫލުތަކެއް ކަނޑައެޅިއެވެ. އޭގެ ތެރޭގައި ޠާލިބާނުން ކަނޑައަޅައިފައިވާ ހެދުން އެޅުމުގެ އުސޫލަށް ޢަމަލުކުރުމާއި ޔުނިވާސިޓީ އަށް ދިއުމާއި އައުމުގައި މަހްރަމް ފިރިހެނަކު ހުރުން ހިމެނެއެވެ. އެ އުޞޫލުތަކާއި އެކު ހުޅުވާލި ފުރުސަތު ބަންދު ކުރީ ހެދުން އެޅުމުގެ ގަވައިދާއި ޚިލާފުވެ، ޔުނިވަރސިޓީ ކެމްޕަސް ތެރޭގައި މަހްރަމުންނާއި ނުލައި އުޅޭކަމަށް ބުނެއެވެ.
ގިނަ ޔުނިވާސިޓީ ތަކުން މިހާރު ވަނީ ދެޖިންސު ވަކިން ވަދެ ނުކުމެވޭނެ ގޮތް ހަދައި ވަކިން ކްލާސްތައް ނެގޭނެ އިންތިޒާމް ތައް ހަމަޖައްސައިފައެވެ. އަދި އަންހެން ދަރިވަރުންނަށް ކިޔަވައިދިނުމަށް އަންހެން މުދައްރިސުން ނުވަތަ ދުވަސްވީ ފިރިހެން މުދައްރިސުން ހަމަޖައްސައިފައެވެ.
"މިއީ ވަރަށް ދެރަކަމެއް މިފަދަ ޒަމާނެއްގައި އަންހެން ކުދިން ޔުނިވާސިޓީ ތައުލީމުން އެކަހެރި ކުރުވާފައި ބޭތިއްބުން، އަހަރެމެން މި މަސައްކަތް ކުރަނީ ޓީޗަރުންނާއި އެހެން ދަރިވަރުނާއި ވާހަކަ ދައްކައިގެން މިކަން ހައްލުކުރަން، އަންހެން ދަރިވަރުންނާއި ފިރިހެން ދަރިވަރުނަށް އެކުއެކީ ޢިލްމު އުގެނި ކުރިއަރައިދެވޭނީ އޭރުން" ހެރާތް ޔުނިވާސިޓީގެ ކޮމްޕިޔުޓަރ ސައިންސްގެ ދަރިވަރެއް ކަމަށްވާ މުހައްމަދް ހަސީބް ހަބީބްޒަދަހް އޭއެފްޕީ ނޫހުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
