މާލެ ސިޓީ ކައުންސިލުން ވިލިމާލޭގައި ބަގީގެ ޚިދްމަތް ދިނުމަށް ގެންނަ ބަގީތައް ބުރާސްފަތި ދުވަހު ހަވީރު ވިލިމާލެއަށް ގެންދެވޭނެ ކަމަށް މާލޭ މޭޔަރ ޑރ މުޙައްމަދު މުޢިއްޒު ވިދާޅުވެއްޖެއެވެ.

މުޢިއްޒު ވިދާޅުވީ ބުރާސްފަތި ދުވަހު ހަވީރު ބަގީތައް ވިލިމާލެއަށް ގެންދެވޭނެ ކަމަށާއި ބަގީގެ ޚިދްމަތް 16 މާރޗް ވާ ބުރާސްފަތި ދުވަހު ދޭން ފެށޭނެ ކަމަށެވެ. އަދި ޕްރައިވެޓް ހަޔާރ ފިޔަވައި ބަގީގެ ރޫޓުން ކުރާ ދަތުރުތައް ފިތުރު ޢީދު ނިމެންދެން އޮންނާނީ ހިލޭ ކަމަށެވެ.

ވިލިމާލޭގައި ދިނުމަށް ނިންމާފައިވާ ބަގީގެ ޚިދްމަތުގެ އަގުތައް މިހާރު ވަނީ ކަނޑައަޅައި އިއުލާނު ކޮށްފައެވެ. އެގޮތުން ބަގީ ދުއްވާ ރޫޓުން ބަގީއަށް އަރާ ނަމަ ބަގީއަށް ދޭން ޖެހެނީ 2 ރުފިޔާއެވެ. ނަމަވެސް "ޕްރައިވެޓް ހަޔަރ" ކުރާނަމަ ބަގީގެ އަގަށް ބަދަލު އަންނާނެއެވެ.

Advertisement

އެގޮތުން 4 ސީޓުގެ ބަގީ އަކަށް ދައްކަން ޖެހެނީ 4 ރުފިޔާއެވެ. 6 ސީޓޫގެ ބަގީއަކަށް ދައްކަން ޖެހެނީ 10 ރުފިޔާއެވެ. 12 ސީޓުގެ ބަގީއެއް ހަޔަރ ކުރާނަމަ 15 ރުފިޔާ ދައްކަން ޖެހެއެވެ.

ސިޓީ ކައުންސިލުން ވިލިމާލޭގައި ބަގީގެ ޚިދްމަތް ދޭން ފެށުމަށް މަސައްކަތް ކުރަމުންދާއިރު ވިލިމާލޭގައި އެމްޓީސީސީ އިން ދަނީ  މިނީ ބަހުގެ ޚިދްމަތްވެސް ދެމުންނެވެ.