ރާއްޖޭގައި މިނިވަން ޚާރިޖީ ސިޔާސަތެއް ނެތްކަން ސާބިތުވެއްޖެ ކަމަށް ކެންދޫ ދާއިރާގެ މެމްބަރު ޢަލީ ހުސެއިން ވިދާޅުވެއްޖެއެވެ. 

އަލީ މިފަދައިން ވިދާޅުވެފައި ވަނީ ސަޢޫދީޢަރަބިއްޔާ އާއި އިރާނުން އަލުން ސިޔާސީ ގުޅުން ގާއިމް ކުރުމަށް ނިންމުމާއި އެކު ރާއްޖެއިންވެސް އިރާން އާއި އެކު ގުޅުން ބަދަހި ކުރުމަށް ނިންމުމާއި ގުޅިގެން އެކަމަށް ފާޑުވިދާޅުވެ ކުރެއްވި ޓްވީޓެއްގައެވެ. 

އެގޮތުން ޢަލީ ހުސެއިން ވިދާޅުވީ އެނިންމުމުން ސާބިތުވެގެންދިޔައީ ރާއްޖޭގައި މިނިވަން ޚާރިޖީ ސިޔާސަތެއް ނެތްކަން ކަމަށެވެ.

Advertisement

ރާއްޖެ އާއި އިރާނާއި ދެމެދު 1975 ވަނަ އަހަރު ގާއިމް ކުރެވުނު ސިޔާސީ ގުޅުން ކަނޑާލައިފައިވަނީ 2016 ވަނަ އަހަރު ސަޢުދީއަރަބިއްޔާއިން އިރާނާއި ގުޅުން ކަނޑާލުމުންނެވެ.

ހުކުރުދުވަހު ބެއިޖިން ގައި ބޭއްވުނު މަޝްވަރާ ތަކަށްފަހު ސަޢުދީޢަރަބިއްޔާ އާއި އިރާނުން ނިންމައިފައިވަނީ ދެމަސް ދުވަސް ތެރޭގައި ދެޤައުމުގައި އެމްބަސީ ހުޅުވައި ދެ ޤައުމުގެ ޑިޕްލޮމޮޓިކް ގުޅުންތައް އަލުން ފެށެމަށެވެ. އަދި އެއްޤައުމުން އަނެއް ޤައުމުގެ އެތެރޭގެ ސިޔާސަތު ތަކާއި ނުބެހުމަށާއި، އެއްޤައުމުން އަނެއް ޤައުމުގެ އިސްތިޤްލާލަށް ނުފޫޒު ނުފޯރުވުމަށް އެއްބަސްވެފައިވެއެވެ.

"އަދި މިހެޔޮ ބަދަލުތަކުގެ އަލީގައި ދިވެހި ސަރުކާރުން އީރާނާއެކު އަލުން ސިޔާސީ ގުޅުން ޤާއިމުކުރުމަށް ނިންމައިފން" ސަޢުދީ އާއި އިރާން އާއި ގުޅުން ބަދަހި ކުރުމަށް ނިންމުމާއި ގުޅުގެން ރާއްޖޭގެ ސަރުކާރުން އިރާން އާއި އަލުން ގުޅުން ބަދަހި ކުރުމަށް ނިންމައި ނެރެފައިވާ ބަޔާނުގައި ބުނެފައިވެއެވެ.