ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފިކުރެއްގެ ދިރުމުން މިރޭ އެމްޑީޕީގެ މެމްބަރުންނަށް މާހެފުމެއް ދެއްވަން ނިންމަވައި ދައުވަތު ފޮނުވައިފިއެވެ.
މިރޭ ދޮންމަނިކު ސްކައިވިއުގައި އޮންނަ މި މާހެފުން އޮންނާނީ 8:15 ގައެވެ.
ނަޝީދު ފެކްޝަނުން މިރޭ މާހެފުމެއް ބާއްވާއިރު އެމްޑީޕީއިން އެޕާޓީގެ މާލޭ ދާއިރާތަކުގެ މެމްބަރުންނަށް ދައުވަތުދީގެން ބާއްވާ މާހެފުމެއް އެޕާޓީގެ މައި ހަރުގޭގައި މިރޭ ބޭއްވުމަށްވެސް ހަމަޖެހިފައެވެ. މި މާހެފުން ކުރިއަށްދާނީ މިރޭ 8:00 އިން 10:00 އަށެވެ.
އެމްޑީޕީގެ އެތެރޭގެ އިންތިޚާބަށްފަހު އެ ޕާޓީ ދެ ފެކްޝަނަކަށް ބެހިފައިވާ މަންޒަރު ވަނީ ފެންނަން ފަށައިފައެވެ. އަދި ރައީސް ނަޝީދުގެ ވާހަކަ ފުޅުތައް އިދިކޮޅުގެ ވާހަކަތަކާއި އެއްރާގަކަށް ބަދަލުވެފައިވާ ކަމަށް އެމްޑީޕީގެ ސަރުކާރަށް ތާއީދު ކުރާ މެންބަރުން އަންނަނީ ބުނަމުންނެވެ.
ދާދި ފަހުން ބޭއްވުނު ޖުމްހޫރީ ޕާޓީގެ ޤައުމީ ޖަލްސާގެ ކުރީ ސަފުންވެސް ރައީސް ނަޝީދު ފެނިފައިވެއެވެ. އަދި ޕީޕީއެމް ޕީއެންސީ ކޯލިޝަންގެ އާއި ގުޅުމެއް އުފެދިދާނެ ފަދަ އިޝާރާތް ތަކެއްވެސް ވަނީ ފެނިގެން ގޮއްސައެވެ.
Advertisement
This content is created and paid for by advertisers and does not involve Voice Journalists
