ހެންވޭރު ކާސިންޖީ މުގުގައި ހުންނަ ގެއެއްގެ މަތިން އަންހެނަކު ވެއްޓިއްޖެއެވެ.

ފުލުހުން ވިދާޅުވީ މިރޭ 20:05 ހާއިރު ހެންވޭރު ގެއަކުން މީހަކު ވެއްޓުނު ކަމަށް ރިޕޯޓް ކޮށްފައިވާކަމަށެވެ. އަދި ފުލުހުން ދަނީ ހާދިސާ ހިނގި ތަނުގައި ހަރަކާތް ތެރިވަމުންކަމަށް ވެސް ފުލުހުން ވިދާޅުވިއެވެ.

ފުލުހުން ވިދާޅުވީ މައްސަލައާއި ބެހޭ އިތުރު މައުލޫމާތު ހިއްސާ ކުރައްވާނެ ކަމަށެވެ.

އެގެއާއި ޖެހިގެން ހުރި ގޭގެ މީހަކު ވޮއިސް އަށް މައުލޫމާތު ދެމުން ބުނެފައިވަނީ އެއަންހެން މީހާ ވެއްޓުނީ 6 ވަނަ ފަންގިފިލާއިން ކަމަށެވެ. އަދި ލަފާ ކުރެވެނީ އޭނާ ފުއްމާލި ކަމަށް އޭނާ ބުންޏެވެ.

އެ މީހާ އަކީ ނަފްސާނީ ބައްޔެއްގެ ސަބަބުން ފަރުވާ ހޯދަމުން ދާމީހެއް ކަމަށެވެ.