ބޭންކް އޮފް މޯލްޑިވްސް ގެ މުވައްޒަފުން އިސްނަގައިގެން އަންނަ ހުކުރު ދުވަހު މާލެ ސިޓީ ގެ ސަރަހައްދުތައް ސާފުކުރުމުގެ ޕްރޮގްރާމެއް ބޭއްވުމަށް ނިންމައިފިއެވެ.

އެގޮތުން މި ޕްރޮގްރާމެގ ދަށުން ކާނިވާ ސަރައްހައްދާއި، އާޓީފިޝަލް ބީޗް، އިންޑަސްޓްރިއަލް ޒޯން، ރަސްފަންނު އަދި ލޯކަލް މާރުކޭޓު ސަރަހައްދު ސާފުކުރާނެއެވެ. މީގެ އިތުރުން ޢާންމު ތަންތަނާއި މޫދު ސާފުކުރުމަށް ވެސް ނިންމާފައިވެއެވެ.

މި ޕްރޮގްރާމްގައި ބޭންކުގެ 200 އަށް ވުރެ ގިނަ މުވައްޒަފުން ބައިވެރިވާނެއެވެ. އަދި މާލޭގެ 12 ސަރަހައްދެއް މި ޕްރޮގްރާމްގެ ދަށުން ސާފުކުރުމަށް ހަމަޖެހިފައިވެއެވެ.

Advertisement

ބީއެމްއެލް އިން ހާމަކޮށްފައިވާ ގޮތުން މިއީ ކޮންމެ އަހަރަކު މާޗް މަހުގެ 20 ވަނަ ދުވަހު ފާހަގަ ކުރެވޭ އިންޓަރނޭޝަނަލް ޑޭ އޮފް ހެޕިނަސް އާއި ގުޅިގެން ބާއްވާ ހަރަކާތެކެވެ.

މި ދުވަހާއި ގުޅުވައިގެން މާލެ ފިޔަވައި ށ ފުނަދޫ، ނ ހޮޅުދޫ، ކ މާފުށި، ދ ކުޑަހުވަދޫ، ލ ފޮނަދޫ އަދި ގދ ތިނަދޫގައިވެސް ސާފުކުރުމުގެ ޕްރޮގްރާމެއް ކުރިއަށް ގެންދިޔުމަށް ހަމަޖެހިފައިވެއެވެ.

ބީއެމްއެލްގެ މުވައްޒަފުން ދޭތެރެ ދޭތެރެއިން މިފަދަ ޕްރޮގްރާމްތައް ހިންގާ ކަމަށް އެބޭންކުން ބުނެފައިވެއެވެ.