ޖަޕާނުގެ ޤާނޫނު ހަދާ މަޖިލިހަށް ހޮވުނު ޔޫޓިއުބަރަކު މަޤާމަށް ހޮވުނުތާ 7 މަސް ވީއިރުވެސް އެންމެ ޖަލްސާއަކަށް ވެސް ހާޒިރުވެފައި ނުވާތީ މަޖިލިސް މެމްބަރު ކަމުން ވަކިކޮށްފިއެވެ.

ޔޮޝިކާޒޫ ހިގަޝިތާނީ އަކީ 2022 ވަނަ އަހަރުގެ ޖުލައި މަހު އެ ޤައުމުގެ ޤާނޫނު ހަދަ މަޖިލީހުގެ މަތި ގެއަށް އިންތިޚާބު ކުރެވުނު މީހެކެވެ. ނަމަވެސް މއަހަރުގެ މިހާތަނަށް އައިރުވެސް މަޖިލީހުގެ އެންމެ ޖަލްސާއަކަށް ވެސް އޭނާ ހާޒިރުވެފައެއް ނުވެއެވެ.

މާރޗް 8 ގައި ޔޮޝިކާޒޫ އަށް މަޖިލިހަށް ހާޒިރުވުމަށް އަމުރު ކުރެވުނެވެ. އަދި މަޖިލިހަށް ހާޒިރުނުވެ ދިޔަ ދުވަސްތަކަށްޓަކައި މަޢާފަށް އެދުމަށް ވެސް އޭނާ އަށް އަމުރުކުރެވުނުވެ. ނަމަވެސް މަޖިލިހަށް ހާޒިރުނުވެ އޭނާ ހުރީ ޤައުމުން ބޭރުގައެވެ. އަދި އެހާހިސާބުން އޭނާ މަޤާމުން ވަކިކުރަން ނިންމުނެވެ. ފަހުން އޭނާ ވަނީ ވީޑިއޯ ކްލިޕެއް މެދުވެރިކޮށް މަޢާފަށް އެދިފައެވެ. ނަމަވެސް މަޖިލިހުން އެ ބަލައިގަނެފައެއް ނުވެއެވެ.

Advertisement

މިގޮތަށް މަޤާމުން ވަކިކުރުމަކީ ޤާނޫނު ހަދާ މަޖިލީހުގެ މެމްބަރަކަށް ދެވޭ އެންމެ ބޮޑު އަދަބެވެ. އަދި ޖަޕާނުގެ ޤާނޫނު ހަދާ މަޖިލީހުން މިގޮތަށް މެމްބަރަކު ވަކިނުކުރާތާ 7 ގަރުނު ވެފައިވަކަމަށް ކައިޑޯ ނިއުސް އިން ބުނެފައިވެއެވެ.

ޖަޕާން ޗެމްބަރުގެ ޑިސިޕްލިނަރީ ކޮމިޓީގެ ހެޑް ވިދާޅުވީ ޔޮޝިކަޒޫ އަށް ޑިމޮކްރަސީގެ ފައުންޑޭޝަން ވެސް ނޭނގޭކަމަށެވެ.

ޔޮޝިކަޒޫގެ މައްޗަށް މަކަރާއި ހީލަތުން މީހުންގެ އަތުން ފައިސާ ހޯދި ކަމުގެ ތުހުމަތު ކުރެވިފައިވާ ކަމަށްވެސް ސީއެންއޭ ނޫހުގައި ބުނެފައިވެއެވެ. އަދި އޭނާ މީހުން އަތުން ފައިސާ އަތުލައިފައިވަނީ ކޭ ޕޮޕް ބޭންޑުގެ މެމްބަރުން ނާއި ބައްދަލު ކޮށްދޭނެ ކަމަށްބުނެއެވެ. ފައިސާ ހޯދުމަށްފަހު އޭނާ އެކަން ކޮށްދީފައި ނުވާކަމަށް ވެސް އެނޫހުގައި ބުނެފައިވެއެވެ.

ކައިޑޯ ނޫހުގައި ބުނެފައިވަނީ އޭނާގެ ބައެއް ޔޫޓީއުބް ވިޑިއޯ ތަކާއި ގުޅިގެން ޖަޕާން ޕޮލިހުން އޭނާ އާއި ޑިސެމްބަރު މަހު ސުވާލުކޮށްފައިވާކަމަށެވެ.