ވިލިމާލެއިން 13 އަހަރުގެ ކުއްޖެއް ގެއްލިގެން ހޯދަމުންދާކަމަށް ފުލުހުން ބުނެފި އެވެ. 

ފުލުހުން ބުނީ ވިލިމާލެއިން 13 އަހަރުގެ ކުއްޖެއް ގެއްލިގެން ރޭ ދަންވަރު 1:33 ހާއިރު ފުލުހުންނަށް ރިޕޯޓުކޮށްފައި ވާކަމަށެވެ. އަދި ފުލުހުންދަނީ އެ ކުއްޖާ ހޯދުމުގެ މަސައްކަތް ކުރަމުންކަމަށް އެ އިދާރާއިން ވަނީ ބުނެފައެވެ. 

ގެއްލިގެން ހޯދަމުންދަނީ ޒޯޔާ ކިޔާ ކުއްޖެއް ކަމަށާ އެ ކުއްޖާ ގެއްލިގެން ރޭ 7:30 އިން ފެށިގެން އާއިލާއިން ހަރަކާތްތެރިވަމުން ދާއިރު، ފުލުހުންނަށް ރިޕޯޓުކުރީ ކުއްޖާ ހޯދުމަށް އާއިލާއިން ކުރި މަސައްކަތުން ކުރިއެރުމެއް ލިބިފައި ނުވާތީކަމަށް އާއިލާއިން ވަނީ ބުނެފައެވެ. 

ކުޑަ ކުއްޖަކާއި ގުޅޭ މައްސަލައެއްކަމަށް ވުމުން ފުލުހުން ކުއްޖާގެ ވަނަވަރެއް އަދި ފޮޓޯއެއް ހާމަކޮށްފައެއް ނުވެއެވެ.