އިދިކޮޅުގެ މުޒާހަރާ ކަވަރުކުރަމުންދިޔަ އަވަސް ނޫހުގެ ނޫސްވެރިޔާ ހުސެއިން ޖުމާން ހައްޔަރުކުރުމާއި ގުޅިގެން ބައިނަލްއަޤްވާމީ، ނޫސްވެރިންގެ ޖަމިއްޔާއެއް ކަމަށްވާ ޕްރެސްފްރީޑޮމް އިން ކަންބޮޑުވުން ފާޅުކޮށްފިއެވެ.
ޕްރެސްފްރީޑޮމްގެ އޭޝިޔާ ޕްރޮގްރާމް ހެޑް ބެހް ލީޔީ ކޮށްފައިވާ ޓްވީޓެއްގައި ބުނެފައިވަނީ ސެޕްޓެމްބަރު މަހު ރާއްޖޭގައި ބޭއްވުމަށް ހަމަޖެހިފައިވާ ރިޔާސީ އިންތިޚާބު ކައިރިވަމުންދާވަރަކަށް ރާއްޖޭގައި ނޫސްވެރިނަށް އަމާޒުކޮށްގެން ކުރެވެމުންދާ އަނިޔާވެރި ޢަމަލުތަކާއި މެދު ކަންބޮޑުވާކަމަށެވެ.
އާއްމުންނަށް މައުލޫމާތު ފޯރުކޮށްދެނީ ނޫސްވެރިން ކަން ފާހަގަކޮށް އޭނާ އިތުރަށް ވަނީ، ކުރިއަށް އޮތް ރިޔާސީ އިންތިހާބު ކަވަރު ކުރުމުގައި ނޫސްވެރިންނަށް ފިއްތުންތައް ކުރިމަތި ކުރުވާ ގޮތަށް އޮތް ބިލާއި މެދުވެސް ކަންބޮޑުވުން ފާޅުކޮށްފަ އެވެ.
އަވަސް ނޫހުގެ ނޫސްވެރިޔެއް ކަމަށްވާ ހުސެއިން ޖުމާން ޕޮލިހުންގެ ބެލުމުގެ ދަށަށް ގެންގޮސްފައިވަނީ މީޑިއާ ކާޑާއިއެކު މުޒާހަރާ ކަވަރުކުރުމަށް ހަރަކާތްތެރި ވަމުން ދަނިކޮށެވެ. އަދި އޭނާ ހައްޔަރުކުރުމަށް ފުލުހުން ކުރި މަސައްކަތުގެ ތެރޭގައި އޭނާގެ މޭމަތީގައި އަތް އަޅައި ކޮއްޕާލައި ފައިވާކަމަށްވެސް ވަނީ ރިޕޯޓުކުރެވިފައެވެ.
މީގެ ދުވަސްކޮޅެއް ކުރިން އިދިކޮޅުގެ މުޒާހަރާ ކަވަރުކުރަމުން ދިޔަ ޗެނަލް 13 ގެ ނޫސްވެރިއަކަށް ފުލުހުންގެ ފަރާތުން ލިބުނު އަނިޔާތަކަށް ފަރުވާ ހޯދުމަށް ރާއްޖެއިން ބޭރަށް ގެންގޮސްފައިވާކަންވެސް ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
