ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަހްމަދު ގަލޮޅުގައި ހުންނަ އައިޕްލޭހައުސް ރަސްމީކޮށް ހުޅުވައިދެއްވައިފިއެވެ.
އައި ޕްލޭ ހައުސްއަކީ ކުޑަކުދިންނާއި ގުޅޭ ތަފާތު އިންޑޯ ހަރަކާތްތައް ހިންގާ ތަނެކެވެ. އައިޕްލޭހައުސް ހާއްސަ ވަނީ އެތަނުގައި ހިންގާ ކުޅިވަރު ހަރަކާތްތަކަކީ އެ ހަރަކާތް ތަކާއި އެކު ދަސްކުރުމުގެ އެކި ހުނަރުތައް ދަސްކޮށްދޭތީއެވެ.
އައިޕްލޭހައުސް އިން ކުޑަކުދިނަށް ޚާއްސަ އެކިއެކި ހުނަރުތައް ދަސްކޮށްދޭ ކޭމްޕްތަކާއި ކުޑަކުދިންނަށް ޓިޔުޝަން ކްލާސްތައް ވެސް ހިންގައެވެ.
މީގެ އިތުރުން ބޭބީ ސިޓް ކުރުން ނުވަތަ ކުދިން ބަލަހައްޓައި ދިނުމުގެ ހިދުމަތް ވެސް މި ޕްލޭ ހައުސް އިން ފޯރުކޮށްދެ އެވެ. އެގޮތުން ބިޒީ ޝެޑިއުލްތަކުގައި އުޅޭ މީހުންނަށް އައި ޕްލޭހައުސް އަކީ އެމީހުންގެ ދަރިން ބެލެހެއްޓުމަށް ހަވާލުކުރެވޭނެ މަޖާ މާހައުލަކަށް ވާނެ އެވެ.
މި ތަން ހުޅުވިފައި ހުންނަނީ ބުރާސްފަތި، ހޮނިހިރުގައި ހެނދުނު 09:00 އިން ރޭގަނޑު 20:00 އަށެވެ. ހުކުރު ދުވަހު ހެނދުނު 09:00 އިން 11:00 އަށް އަދި މެންދުރު ފަހު 14:00 އިން ރޭގަނޑު 20:00 އަށެވެ. ހަފްތާގެ އެހެނިހެން ދުވަސް ދުވަހު ހެނދުނު 09:00 އިން އިރު އޮއްސި 18:00 އަށެވެ.
Advertisement
This content is created and paid for by advertisers and does not involve Voice Journalists
