ކަންޒިއުމަރ މޯބައިލް އެކްސްޕީރިއަންސް އެނަލައިޒްކޮށް ގިންތި ކުރާ އޯޕަން ސިގްނަލްގެ އެންމެ ފަހުގެ ރިޕޯޓްގައި ބެސްޓް މޯބައިލް އެކްސްޕީރިއަންސް އެވޯޑްސް އުރީދޫއިން ހާސިލުކޮށްފިއެވެ.

މިދިޔަ އަހަރުގެ އޯގަސްޓް މަހުގެ އެއްވަނަ ދުވަހުން ފެށިގެން އޮކްޓޯބަރު 29 އާއި ހަމައަށް ޑާޓާ އެއްކުރުމަށްފަހު އެކުލަވާލާފައިވާ އޯޕަން ސިގްނަލްގެ ޑިސެމްބަރ 2022 ގެ ރިޕޯޓްގައި ޖުމްލަ ހަތް ދާއިރާއަކަށް ބަހާލައި އެވޯޑް ދީފައިވާއިރު އެ ހަތް ދާއިރާގެ ތެރެއިން ހަ ދާއިރާއިން ބެސްޓް އެވޯޑްސް ހާސިލުކޮށްފައިވަނީ އުރީދޫއިންނެވެ. ހަތްވަނަ ދާއިރާއިންވެސް  އުރީދޫއިން އިންވަނީ ދިރާގާއި އެއް ހަމަ ކޮށްފައެވެ. 

ވީޑިއޯ އެކްސްޕީރިއަންސް

ގޭމްސް އެކްސްޕީރިއަންސް

ވޮއިސް އެޕް އެކްސްޕީރިއަންސް

ޑައުންލޯޑް ސްޕީޑް އެކްސްޕީރިއަންސް

އަޕްލޯޑް ސްޕީޑް އެކްސްޕީރިއަންސް

4ޖީ ކަވަރޭޖް އެކްސްޕީރިއަންސް

ދިރާގުން އުރީދޫއާއި އެއްވަރުކޮށްފައިވަނީ ކަވަރޭޖް އެވެއިލެބިލިޓީ ކެޓަގަރީގައެވެ. 

އޯޕަން ނެޓްވޯކްގެ އެ ރިޕޯޓްގެ ކީ ފައިންޑިންގްސް އަށް ބަލާލާއިރު ރާއްޖޭގައި ބެސްޓް މޯބައިލް ގޭމިންގް އެކްސްޕީރިއަންސް ނެޓްވޯކަކީ އުރީދޫ ކަމުގައި ބުނެފައިވެއެވެ. އެގޮތުން ކުރިއަށްވުރެ 7.1 ޕޮއިންޓްގެ ކުރިއެރުމެއް ހޯދައިގެން އުރީދޫއިން މި ދާއިރާ ކާމިޔާބުކޮށްފައިއެވަނީ 66.7 ޕޮއިންޓުންނެވެ. މިދާއިރާގައި ދިރާގު އުޅެނީ އުރީދޫއަށް ވުރެ 8.3 ޕޮއިންޓް ފަހަތުގައެވެ.

ރިޕޯޓްގައި ވާގޮތުން މޯބައިލް އަޕްލޯޑް އަދި ޑައުންލޯޑް ސްޕީޑްސްގައިވެސް ކުރި ހޯދާފައިވަނީ އުރީދޫއިން ކަމަށާއި އެގޮތުން ދިރާގަށްވުރެ 15.2 އިންސައްތަ އުރީދޫގެ އަޕްލޯޑް ސްޕީޑް ރަނގަޅު ކަމަށާއި 26.1 އިންސައްތަ ޑައުންލޯޑް ސްޕީޑް ދިރާގަށްވުރެ އުރީދޫ ރަނގަޅުކަމަށް ބުނެފައިވެއެވެ.

ވީޑިއޯ އެކްސްޕީރިއަންސް އަށް ބަލާއިރު ވީޑިއޯ އެކްސްޕީރިއަންސްގައި ދިރާގަށްވުރެ 10 ޕޮއިންޓް އަދި އޯޑިއޯ އެކްސްޕީރިއަންސްގައި ދިރާގަށްވުރެ 2.8 ޕޮއިންޓް އުރީދޫ ކުރި ހޯދާފައިވާކަން ރިޕޯޓުގައި ވެއެވެ.

4ޖީ ކަވަރޭޖަށް ބަލާލައި އެ ރިޕޯޓްގައި ބުނެފައިވަނީ 10 ޕޮއިންޓްގެ ސްކޭލަކުން އަޅާކިޔާއިރު 0.4 ޕޮއިންޓުން އުރީދޫ ދިރާގުގެ މައްޗަށް މި ދާއިރާއިންވެސް ކުރި ހޯދާފައިވާކަމަށެވެ.

މީގެ އިތުރުން “އެޗްޑީ ވީޑިއޯ، ވީޑިއޯ ގްރޫޕް ކޮންފަރެންސް ކޯލްސް އަދި ގޭމިން” އާއި “ލޯވަރ ޕާފޯމަންސް އެޕްލިކޭޝަންސް އިންކްލޫޑިންގ އެސްޑީ ވީޑިއޯ، ވޮއިސް ކޯލްސް އެންޑް ބްރައުޒިން” ބައިންވެސް އުރީދޫ ދިރާގުގެ މައްޗަށް ބޮޑު ތަފާތަކުން ކުރި ހޯދާފައިވާކަން އެ ރިޕޯޓްގައި ފާހަގަކޮށްފައިވެއެވެ.

އުރީދޫގެ ޚިދުމަތް ތަކުގެ ފެންވަރު ރަނގަޅުކޮށް، ކަންޒިއުމާ އެކްސްޕީރިއަންސް އިތުރަށް ފުރިހަމަކުރުމަށް އެ ކުންފުނިން މިހާރުވެސް އަންނަނީ ގިނަ ގުނަ މަސައްކަތްތަކެއްކޮށް ބޮޑެތި އިންވެސްޓްމަންޓްތަކެއްވެސް ކުރަމުންނެވެ.

އެގޮތުން މިދިޔަ އަހަރު އުރީދޫއިން ތައާރަފްކުރި އުރީދޫ ނޭޝަން ގޭމިން ޕްލެޓްފޯމާއި ލަންކާ-ރާއްޖެ ސަބްމެރިން ކޭބަލް 2021 ވަނަ އަހަރު އަޅާފައިވާއިރު، މި އަހަރު އެޅުމަށް ހަމަޖެހިފައިވާ ޕީސް ކޭބަލް ފާހަގަކޮށްލެވެއެވެ. މި ކޭބަލަކީ ކުޅުދުއްފުށި ސިޓީ ސިންގަޕޫރާއި ޔޫރަޕާއި ގުޅާލެވިގެންދާ ސަބްމެރިން ކޭބަލެކެވެ. މި ކޭބަލް ގައިމްކުރެވުމުން އިންޓަނެޓް ސްޕީޑް އިތުރަށް ހަލުވިވެ ހިދުމަތްތައް އިތުރަށް ފުރިހަމަކުރެވިގެންދާނެކަން އުރީދޫއިން ކުރިން ފާހަގަކޮށްފައިވެއެވެ.