ދުނިޔޭގެ އެކި ކަންކޮޅުތަކުގައި މުސްލިމުން ދިރުއުޅެމުން އަންނަ އިރު އެކި ހިސާބުތަކުގައި ދިރިއުޅޭ މުސްލިމުން ރޯދަ ހިފަނީ އެކި ދިގުމިނަށެވެ.

އެގޮތުން ދުނިޔޭގެ ދެކުނުގެ ޤައުމުތައް ކަމަށްވާ ޗިލީ ނިއުޒިލެންޑް ފަދަ ޤައުމުތަކުގެ މުސްލިމުން 12 ގަޑިއިރު ރޯދަ ހިފާނެއެވެ. ދުނިޔޭގެ އުތުރުގައި ހިމެނޭ ޤައުމުތައް ކަމަށްވާ އައިސްލޭންޑް ގްރީންލޭންޑް ފަދަ ޤައުމުތަކުގައި އުޅޭ މުސްލިމުން 17 ގަޑިއިރަށްވުރެ ގިނަ ވަގުތު ރޯދައަށް ތިބެން ޖެހެއެވެ.

އުތުރު ހެމިސްފެއަރ ގައި ދިރިއުޅޭ މުސްލިމުންނަށް މިއަހަރު ރޯދައަށް ތިބެންޖެހޭ ވަގުތު ކުރެވެ. އަދި 2031 އާއި ހަމައަށް އެޤައުމުތަކަށް ރޯދަމަހު ރޯދައަށް ތިބެންޖެހޭ ވަގުތު ދާނީ ކުޑަވަމުންނެވެ. އެޤައުމުތަކަށް ރަމަޟާން މަސް ދިމާވަނީ އަހަރުގެ އެންމެ ދުވަސްތައް ކުރު މޫސުމާއެވެ. 2031 ފަހު މިކަން ދާނީ ބަދަލުވަމުންނެވެ.

އީކުއޭޓަރގެ ދެކުނުގެ ޤައުމުތަކުގައި މިކަން ހިނގާނީ ދިމާ އިދިކޮޅަށެވެ.

ދުނިޔޭގެ އެންމެ އުތުރުގެ ސިޓީއެއް ކަމަށްވާ ނޯވޭގެ ލޯންގްޔާބައިން ގައި އޭޕްރީލް 20 އޮގަސްޓް 22 އާއި ދެމެދު އިރެއް ނުއެއް އޮއްސެއެވެ. އެހެން ކަމުން އެހިސާބުގައި އުޅޭ މުސްލިމުންނަށް އޮންނަ ގޮތަކީ މައްކާ ގައި ހާރުކެއުމާއި، ރޯދަވިއްލުން އަދި ނަމާދުވަގުތުތަކަށް ބެލުމެވެ. ނުވަތަ އެންމެ ގާތުގައި އޮތް އިސްލާމީ ޤައުމެއްގެ ވަގުތުތަކަށް ބެލުމެވެ.

މިއަހަރުގެ ރޯދަ މަހު އެންމެ ދިގުކޮށް ރޯދައަށް ތިބޭނީ 17 ގަޑިއިރުއެވެ. އެގޮތުން 17 ގަޑިއިރު ރޯދައަށް ތިބޭނީ ގްރީން ލޭންޑްގެ ނޫކް ސިޓީ، އައިސްލޭންޑްގެ ރޭކްޖަވިކް ސިޓީ، ފިންލޭންޑުގެ ހޭލްސިންކީ ސިޓީ، ސްވިޑިންގެ ސްޓޮކްހޮމް ސިޓީ، އަދި ސްކޮޓްލެންޑްގެ ގްލަސްގޯ ސީޓީގައި ދިރުއުޅޭ މުސްލިމުންނެވެ.

އެންމެ ކުރުކޮށް ރޯދަ ހިފާ މުސްލިމުން ހިފާނީ 13 ގަޑިއިރާއި 12 ގަޑި އިރާއި ދެމެދުއެވެ.