ހއ އަތޮޅު ކައުންސިލުން އިންތިޒާމް ކޮށްގެން ބޭއްވުނު ޕްރިންސިޕަލް ފޯރަމަށް ދައުވަތު ނުލިބޭކަމަށް އެޑިޔުކޭޝަން މިނިސްޓަރ ޑރ ޢާއިޝަތު ޢަލީ ވިދާޅުވެއެއްޖެއެވެ.

މިނިސްޓަރ ޢާއިޝަތު ޢަލީ މިހެން ވިދާޅުވީ ޕީއެންސީ ގެ ނައިބު އިބްރާހިމް ޝުޖާޢު މިނިސްޓަރ ގުރައިދޫ ދާއިރާގެ ބައި އިލެކްޝަންގައި ވާދަ ކުރައްވާ އެމްޑީޕީގެ ކެނޑިޑޭޓް އިބްރާހިމް ޝާޒް ގެ ކެމްޕޭނަށް އެރަށަށް ވަޑައިގެން އުޅުއްވަނީ ހއ .އަތޮޅު ކައުންސިލުން އިންތިޒާމް ކޮށްގެން ބޭއްވި ޕްރިންސިޕަލް ފޯރަމަށް ދެއްވި ދައުވަތު ގަބޫލުނުކުރައްވާ ކަމަށް ބުނެ ޓްވީޓު ކުރުމުންނެވެ.

ޝުޖާޢުގެ އެ ޓްވީޓަށް ޖަވާބުދެއްވަމުން މިނިސްޓަރ ޢާއިޝަތު ޢަލީ ވިދާޅުވީ މިއީ ރަނގަޅު ވާހަކައެއް ނޫން ކަމަށެވެ. އަދި އެފަދަ ދައުވަތެއް އެކަމަނާއަށް ލިބިވަޑައިގެންފައިނުވާ ކަމަށެވެ. ހަޤީޤަތާއި ޚިލާފު ދޮގު ވާހަކަ ނުފެތުރުމަށް އެދޭ ކަމަށެވެ.

Advertisement

އެޑިޔުކޭޝަން މިނިސްޓަރ އަށް އަމާޒުކޮށް މިފަދަ ވާހަކަތަކެއް މީޑިއާއަށް ފެންމަތިވެފައިވާއިރު އެކަމަނާ މިއަދު ހުންނެވީ އެމްޑީޕީގެ ކެމްޕޭނު ޓީމާއި އެކު ގުރައިދޫގައެވެ.