ޢަރަބިއްޔާ ސްކޫލަށް މޫނު ބުރުގާ އަޅައިގެން ސްކޫލަށް ކިޔަވަން ހާޒިރުވާ ދަރިވަރުންނަށް މޫނުބުރުގާ ނަގަން އެންގައި މިއަދު ސްކޫލަށް ދަރިވަރުންނާއި ބެލެނިވެރިން ހާޒިރުވާން އެންގުމުން ބެލެނިވެރިން ވަކީލުންނާއި އެކު ހާޒިރުވުމުން ސްކޫލްގެ މެނޭޖްމަންޓުން ވަކީލުންނާއި އެކު ބައްދަލުނުކުރާނެ ކަމަށްބުނެފި ކަމަށް އެ ސްކޫލްގެ ބެލެނިވެރިން ބުނެފިއެވެ.
ވޮއިސް އަށް މައުލޫމާތު ދެއްވަމުން އަރަބިއްޔާ ސްކޫލްގެ ޕީޓީއޭގެ ނައިބް ރައީސް އައިޝަތު ޝާދިޔާ ވިދާޅުވީ ވަކީލުން ގޮވައިގެން ދިޔުމުން ސްކޫލުން އެންގީ ވަކީލުންނާއި އެކު ބައްދަލުނުކުރާނެ ކަމަށާއި، އަދި ސްކޫލުން އަންގަން ބޭނުންވާ އެއްޗެއް ސްކޫލުން އަންގާނެ ކަމަށެވެ.
"ވަކީލުން ގޮވައިގެން ނޫންތޯ ދާނީ، ޕޭރެންޓުންނަށް ޤާނޫނީ ގޮތުން އެއްޗެއް ނޭގެންޏާ ޤާނޫނު އެނގޭ ބަޔަކު ގޮވައިގެންތާ ދާނީ، ވަކީލުން ގޮވައިގެން ދިޔަމަތާ ޤާނޫނީ ލަފައެއް އެރުވޭނީ" ޝާދިޔާ ވިދާޅުވިއެވެ.
ޢަރަބިއްޔާގައި 10 ވަރަކަށް ކުދިން މޫނު ބުރުގާ އަޅައިގެން ސްކޫލަށް ދާއިރު މިކުދިންގެ ހައްޤު ހޯދުމަށް ޢަރަބިއްޔާ ބެލެނިވެރިން ކޯޓަށް ދާނެ ކަމަށް ޝާދިޔާ ވިދާޅުވިއެވެ. ޝާދިޔާ ވިދާޅުވީ މޫނުބުރުގާ އަޅައިގެން ސްކޫލަށް ދާ އެއްވެސް ކުއްޖަކީ މަޖުބޫރެއް ވެގެން މޫނު ބުރުގާ އަޅާ ކުއްޖެއް ނޫން ކަމަށެވެ.
Advertisement
This content is created and paid for by advertisers and does not involve Voice Journalists
