ރިޔާސީ އިންތިހާބާއި ގުޅޭ މަޝްވަރާ ކުރަން މޯލްޑިވްސް ރިފޯމް މޫވްމެންޓާއި ޢަދަލާތު ޕާޓީ އާއި ބައްދަލުކޮށްފިއެވެ.
ޢަދާލަތު ޕާޓީ އިން ބުނެފައިވަނީ އެމްއާރްއެމް އާއި އެކު ބޭއްވުނު މި މަޝްވަރާ ބައްދަލުވުމަކީ އެމްއާރްއެމްގެ އިސްނެގުމާއިއެކު ބޭއްވުނު މަޝްވަރާ ބައްދަލުވުމެއް ކަމަށެވެ. އަދި މި ބައްދަލުވުމުގައި ފާރިސް މައުމޫނާއި އަދި އެޕާޓީގެ ލީޑަރޝިޕްގައި ހިމެނޭ ބޭފުޅުން ބައިވެރިވިކަމަށް ބުނެފައިވެއެވެ.
މިބައްދަލުވުމުގައި ހިނގަމުންމިދާ ރިޔާސީ ދައުރުގައި ކުރެވުނު ތަޖުރިބާތަކާއި ކުރިއަށް އޮތް ތަނުގައިވެސް ގުޅިގެން މަސައްކަތް ކުރާނެ ގޮތްތަކާއި މެދު މަޝްވަރާ ކުރެވުނު ކަމަށް ޢަދާލަތުން ވަނީ ހާމަކޮށްފައެވެ.
މިބައްދަލުވުމާއި ގުޅިގެން އެމްއާރްއެމް އިން އަދި ވަކިއެއްޗެއް ހާމަކޮށްފައެއް ނުވެއެވެ.
އިއްޔެ އެމްއާރްއެމް އާއި ޖޭޕީ އާއި ދެމެދުވެސް ވަނީ މަޝްވަރާބައްދަލުވުމެއް ބާއްވާފައެވެ. މި ބައްދަލުވުމަށް ވެންނެވުމުގެ ކުރިން ރައީސް މައުމޫން ނޫސްވެރިއެއްގެ ސުވާލަކަށް ޖަވާބު ދެއްވަމުން ވިދާޅުވެފައި ވަނީ ޕީޕީއެމް އާއި އެކު ކޯލިޝަން ހެދުމަކީ ވެސް ވެދާނެ ކަމެއް ކަމަށެވެ. އަދި ރައީސް ޞާލިޙަށް އިތުރު ދައުރެއް ދެއްވުމާއި މެދު ސުވާލުކުރެވުމުން އެމަނިކުފާނު ވިދާޅުވެފައިވަނީ އެސުވާލަށް ޖަވާބު ދެއްވަން އެނގިވަޑައިނުގަންނަވާކަމަށް ވިދާޅުވެފައެވެ.
ރިޔާސީ އިންތިޚާބު ގާތްވަމުން އަންނައިރު އެމްޑީޕީ އާއި ޢަދާލަތު އަދީ އެމްޑީއޭ ގެ ކޯލިޝަން އިން ވާދަކުރައްވަނީ ރައީސް އިބްރާހިމް މުޙައްމަދު ޞާލިޙެވެ. ޕީޕީއެމް އަދި ޕީއެންސީ ކޯލިޝަނުން ރައީސް ޢަބްދުالله ޔާމިން ޢަބްދުލްޤައްޔޫމް ނެރުމަށް ހަމަޖެހިފައިވާއިރު ޖުމްހޫރީ ޕާޓީ އިން ވެސް ވަނީ ރިޔާސީ އިންތިޚާބުގައި ވާދަކުރުމަށް ނިންމައިފައެވެ. އަދި ފާރިސް މައުމޫނު ރަނިން މޭޓަކަށް ހެއްދެވުމުގެ ޝައުޤުވެރިކަން ޖޭޕީ އިން ފާޅުކޮށްފައިވެއެވެ.
އެމްއެންޕީ އިން ކާނަލް މުޙައްމަދު ނާޒިމް ވާދަ ކުރައްވުމަށް ނިންމައި އެކަން އިޢްލާނުކިށްފައިވާއިރު އަމިއްލަ ގޮތުން ވާދަކުރުމަށް ޢުމަރް ނަސީރާއި ކުރީގެ ބަންޑާރަ ނައިބު މުހައްމަދު މުނައްވަރުވެސް ވަނީ ކެމްޕޭނު ފައްޓަވައިފައެވެ.
Advertisement
This content is created and paid for by advertisers and does not involve Voice Journalists
