ރައީސް މުހައްމަދު ނަޝީދު ގެ ތާއީދު ރައީސް ޞާލިޙަށް މުހިންމު ނަމަވެސް ތާއީދު ނުލިބުނަސް ރިޔާސީ އިންތިޚާބު ކާމިޔާބު ކުރާނެ ކަމަށް އިކޮނޮމިކް މިނިސްޓަރ ފައްޔާޒް އިސްމާއިލް ވިދާޅުވެއްޖެއެވެ.
ފައްޔާޒް މިހެން ވިދާޅުވީ ރައީސް ޞާލިޙް އެމަނިކުފާނުގެ އައު ކޯލިޝަނާއި އެކު ބޭއްވެވި ބައްދަލުވުމަށް ފަހު މީޑިއާ ތަކާއި ވާހަކަދައްކަވަމުންނެވެ.
ރައީސް ނަޝީދުގެ ތާއީދާއި ނުލައި އިންތިޚާބު ކާމިޔާބު ކުރެވޭތޯ ނޫސްވެރިއަކު ކުރި ސުވާލުގެ ޖަވާބުގައި މިނިސްޓަރ ފައްޔާޒު ވިދާޅުވީ ރައީސް ނަޝީދުގެ ތާއީދު ވަރަށްބޮޑަށް ބޭނުންވާ ކަމަށެވެ. ނަމަވެސް އެމަނިކުފާނުގެ ތާއީދު ނެތަސް އިންތިޚާބު ކާމިޔާބު ވާނެ ކަމަށެވެ.
ކޯލިޝަންގެ ބައްދަލުވުމަށް ފަހު ފައްޔާޒް ނޫސްވެރިންނާއި ބައްދަލުކުރެއްވުމުން ނޫސްވެރިން އެމްޑީޕީގައި އޮތް ބައިބައިވުމާއި ހިޔާލުތަފާތުވުންތަކާއި ގުޅޭގޮތުން ސުވާލުކުރުމުން ފައްޔާޒް ވިދާޅުވީ އެމްޑީޕީ އަކީ ވަރަށް މިނިވަން ޕާޓީއެއް ކަމަށާއި އެޕާޓީގެ މެމްބަރުންނަށް ވަރަށް މިނިވަން ކަމާއިއެކު ހިޔާލު ފާޅުކުރުމުގެ ފުރުސަތު އޮންނާނެ ކަމަށެވެ. އަދި ލީޑަރޝިޕަށް އަމާޒުކޮށް ހިޔާލު ފާޅުކުރުމުގެ ފުރުސަތު އޮންނާނެ ކަމަށެވެ.
ފައްޔާޒުގެ ވާހަކަފުޅުގައި ވަނީ ރައީސް ނަޝީދާއި އެމަނިކުފާނުގެ ފަހަތުގައި ތިބި މެމްބަރުންނަށް ވިދާޅުވީ އެމްޑީޕީ އަނެއްކާވެސް މިދަނީ ކާމިޔާބާއި ދިމާއަށް ކަމަށާއި ބާކީވެ ވަޑައިނުގަތުމަށް އިލްތިމާސް ކުރައްވާކަމަށެވެ.
ރައީސް ނަޝީދު "ފިކުރެއްގެ ދިރުން" ނަމުގައި ރެޖިސްޓަރީ ކުރެއްވުމަށް މަސައްކަތް ކުރައްވަމުން އަންނަ ފެކްޝަނާއި މެދު ނޫސްވެރިން ވަނީ އެމްޑީޕީގެ ޗެއަރޕަސަން ފައްޔާޒް އިސްމާއިލާއި ސުވާލުތަކެއް ކުރިމަތިކުރުވާފައެވެ.
އެގޮތުން ވަކި ފެކްޝަނެއް ހެދުމަކީ އެމްޑީޕީގެ އަސާސީ ގަވާއިދާ ހިލާފު ކަމެއް ކަމުން އެކަމުގައި ނަޝީދަށް ފިޔަވަޅު އަޅަން ކެރިވަޑައިނުގަންނަވަނީތޯ ސުވާލު ކޮށްފައިވެއެވެ. އެސުވާލަށް ޖަވާބު ދެއްވަމުން ފައްޔާޒް ވިދާޅުވީ ނަޝީދަކީ އެމްޑީޕީ އުފެއްދުމާއި ރާއްޖެއަށް ޑިމޮކްރަސީ ގެނައުމުގައި މުހިންމު ދައުރެއް އަދާކުރެއްވި ބޭފުޅެއް ކަމުން އެމަނިކުފާނަށް ވަރަށް ބޮޑު އިހްތިރާމެއް އެބައޮތް ކަމަށެވެ. ޕާޓީގެ އުސޫލުތަކާއި ހިލާފަށް ނަޝީދު ބައެއް ކަންކަން ނުކުރެއްވި ނަމަވެސް ފަހަތަށް ޖެހިލައި ހުންނެވީ ބިރުން ނޫން ކަމަށާ ފިޔަވަޅު އަޅަން ޖެހިއްޖެނަމަ އެ ހާލަތުގައި ކޮންމެ ބޭފުޅަކަށްވެސް ފިޔަވަޅު އަޅުއްވާނެ ކަމަށް ފައްޔާޒް ވިދާޅުވިއެވެ.
ވަކި ފެކްޝަނެއް އުފެއްދުމަކީ އެމްޑީޕީގެ އަސާސީ ޤަވައިދާއި ޚިލާފުކަމެއް ނަމަވެސް ރައީސް ނަޝީދު ގެ ސަޕޯޓަރުންނާއި އެމަނިކުފާނުގެ ޓީމުން ދަނީ އެފެކްޝަން އުފައްދައި މެމްބަރުން އިތުރުކުރުމުގެ މަސައްކަތް ތައް ބާރު މިނުގައި ކުރަމުންނެވެ.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
Advertisement
This content is created and paid for by advertisers and does not involve Voice Journalists
