ވަޒީފާއާއި ބެހޭ ޤާނޫނުގައި ބުނާ ފަދައިން، ވަޒީފާ ތަކުގައި އުޅޭ މުވައްޒަފުނަށް ރޯދަ ޢިނާޔަތް ނުލިބިވާނަމަ ޝަކުވާ ހުށައެޅުމަށް ހުޅުވާލައިފިއެވެ.
ލޭބަރ ރިލޭޝަންސް އޮތޯރިޓީ އިން މިގޮތަށް އެދިފައިވަނީ އެއޮތޯރިޓީގެ ސޯޝަލް މީޑިއާ ޕްލެޓްފޯމް މެދުވެރިކޮށެވެ.
އެ ޕޯސްޓުގައި ބުނެފައިވަނީ، ރޯދަ އިނާޔަތް ނުލިބޭ މުވައްޒަފުން ޝަކުވާ ހުށަހަޅާނީ އެ އިދާރާގެ ވެބްސައިޓްގައި ޝަކުވާ ހުށައެޅުމަށް ޚާއްސަކޮށްފައިވާ ލިންކު މެދުވެރިކޮށް ބޭނުންވާ މައުލޫމާތު ފުރިހަމަކޮށްގެން ކަމަށެވެ.
ވަޒީފާއާ ބެހޭ ޤާނޫނުގައި ބުނެފައިވަނީ ރާއްޖޭގައި ވަޒީފާ އަދާކުރާ ކޮންމެ މުސްލިމް މުވައްޒަފަކަށް ރޯދަ އިނާޔަތުގެ ގޮތުގައި 3000ރ ރޯދަމަސް ފެށުމުގެ ކުރިން ދޭން ޖެހޭ ކަމަށެވެ. މި އިނާޔަތް ދިނުމަށް މި މަހުގެ 1 ވަނަ ދުވަހު ލޭބާ ރިލޭޝަންސް އޮތޯރިޓީން ވަނީ ވަޒީފާ ދޭ ފަރާތްތަކަށް ހަނދާންކޮށްދީފައެވެ.
Advertisement
This content is created and paid for by advertisers and does not involve Voice Journalists
