އަހަރެމެންގެ ބޯ މަތިން އުޑުންފެންނަމުން ދާ ވިލާ ތަކާއި މެދު ހިޔާލަކީ ކޮބައިތޯއެވެ؟ ވިލާ ތަކަކީ ލުއި ބަރުދަނެއް ނެތް އެއްޗެއްބާއެވެ؟ ނުވަތަ ބަރު އެއްޗެއް ބާއެވެ؟
ވިލާ ތަކުގެ ހަޤީޤަތަކީ އެއީ ބަރުއެއްޗެއް ކަމެވެ. ދެން ހަމަ ބަރު އެއްޗެކޭ ބުނެ ފުއްދާލެވޭކަށް ނެތެވެ. 1.1 މިލިއަން ޕައުންޑް ގެ ބަރުދަން ހުރިއެއްޗެވެ. ތެދެކެވެ. އަހަރެމެނަށް އުޑުމަތިން މިފެންނަ ވިލާތަކަކީ އެތައް މިލިއަން ޕައުންޑެއްގެ ބަރުދަން ހުރި އެއްޗެކެވެ.
އަދުގެ ސައިންސް ވެރިންނަށް މިކަން ހޯދިފައިވަނީ ދާދި ފަހުންނެވެ.
ނަމަވެސް މީގެ 1400 އަހަރު ކުރިން ބާއްވައިލެވުނު ކީރިތި ޤުރުއާނުގައި މިވާހަކަ އެބައޮތެވެ. ކީރިތި ޤުރުއާނުގެ ސޫރަތް އައްރަޢުދު ގެ 12 ވަނަ އާޔަތުގައި ވެއެވެ. (وَ ٱلَّذِى يُرِيكُمُ ٱلْبَرْقَ خَوْفًا وَطَمَعًا وَيُنشِئُ ٱلسَّحَابَ ٱلثِّقَالَ ) މާނައީ (އެކަލާނގެއީ، ތިޔަބައިމީހުންނަށް ބިރުވެރިކަމާއި، اميد ލިބެނިވިގޮތުގައި ވިދުވަރު ދައްކަވާ އަދި (ފެނުން) ބަރުވެފައިވާ ވިލާ އުފައްދަވާ ރަސްކަލާނގެއެވެ.)
ކީރިތި ޤުރުއާނުގައި ވިލާ ތަކުގެ ވާހަކަ އައިސްފައިވާއިރު އޭގެ ސިފައެއްގެ ގޮތުގައި ބަރު ގެނެވިފައިވެއެވެ. މިއިން އަންގައިދެނީ ކީރިތި ޤުރުއާނުގައި ސައިންސުގެ މި ހަޤީޤަތްވެސް ބަޔާން ކޮށްދެއްވާފައިވާ ކަމެވެ.
ކީރިތި ޤރުއާނުގައި މިކަން މީގެ 1400 އަހަރުކުރިން ބަޔާން ވެގެން އައިސްފައިވެއެވެ. މިއީ ކީރިތި ޤުރުއާނުގެ ސައްޙަ ކަމާއި الله ތަޢާލާގެ އެއްކައުވަންތަ ކަން ދައްކުވައިދޭ ދަލީލެވެ. ހެއްކެވެ.
Advertisement
This content is created and paid for by advertisers and does not involve Voice Journalists
