ޔޫރޯ ކޮލިފައިންގައި މިރޭ ރަށުން ބޭރުގައި އަޔަލެންޑް އަތުން ފުރާންސް މޮޅުވިއިރު، މިއީ އެމްބާޕޭގެ ކެޕްޓަންކަމުގައި އެޓީމުން ކުޅުނު ދެވަނަ މެޗެވެ. ފުރަތަަމަ މެޗުގައި ނެދަލޭންޑްސް އަތުން 4-0 ގެ ނަތީޖާއަކުން މޮޅުވިއިރު، މި މެޗުން އެޓީމު މޮޅުވީ 1-0 ގެ ނަތީޖާއަކުންނެވެ.

މިރޭގެ މެޗުގެ ފުރަތަަމަ ހާފުގައި ގިނަވަގުތު ބޯޅަ ހިފަހައްޓައިގެން ފުރާންސް އިން ކުޅުނު ނަމަވެސް މިހާފުގައި އެޓީމަށް އަޔަލެންޑްގެ ގޯލާއި އަމާޒުކޮށް ނުރައްކާތެރި އެންމެ ހަމަލާއެއް ވެސް ފޮނުވާލެވިފައެއް ނުވެއެވެ.

ކޮލިފައިންގެ ފުރަތަަމަ މެޗުގައި ވަރުގަދަ ނެދަލޭންޑްސް އަތުން ފަސޭހަކަމާ އެކު މޮޅުވި ފުރާންސް ޓީމަށް މި މެޗުގައި އެޓީމުގެ އެންމެ މޮޅު ކުޅުން ދެއްކިފައިނުވާ އިރު މި މެޗުގައި އެޓީމުން ކާމިޔާބުކުރީ ހަމައެކަނި ލަނޑު ދެވަނަ ހާފުގެ ފެށިގެން ފަސްވަނަ މިނެޓްގައި ކާމިޔާބުކޮށްދިނީ އެޓީމުގެ ޑިފެންޑަރު ބެންޖަމިން ޕަވާޑް އެވެ.

މިއީ އަޔަލެންޑްގެ ޕެނަލްޓީ އޭރިއާ ބޭރުން ޕަވާޑް ފޮނުވާލި ބާރު ހަމަލާއެއް ގޯލުގެ ތެރެއަށް ވައްދާލައިގެން އޭނާ ކާމިޔާބުކޮށްދިން ލަނޑެކެވެ. މި ބޯޅަ ގޯލަށް ވަނީ ގޯލުގެ ހުރަސް ދަނޑީގައި ވެސް ޖެހިފައެވެ.

މި މެޗުން ލިބުނު ތިން ޕޮއިންޓާއެކު އެކު ދެ މެޗުން ހަ ޕޮއިންޓް ހަމަކޮށް ގުރޫޕް ބީގެ އެއްވަނައިގައި މިވަގުތު އޮތީ ފުރާންސް އެވެ. ނި ގުރޫޕްގެ ދެވަނައިގައި އޮތީ މިރޭ ގްރީސް އެވެ. އެޓީމަށް ތިން ޕޮއިންޓް ލިބިފައިވާއިރު ގްރީސް ވަނީ ފުރަތަަމަ މެޗުގައި ޖިބްރޯލްޓާ އަތުން 3-0 ގެ ނަތީޖާއަކުން މޮޅުވެފައެވެ.

މިގުރޫޕްގައި ހިމެނޭ ނެދަލޭންޑްސް ވަނީ މިރޭ  ޖިބްރޯލްޓާ އާއި ވާދަކޮށް 3-0 ގެ ނަތީޖާއަކުން މޮޅުވެ، ތިން ޕޮއިންޓް ހޯދާފައެވެ. އަދި ގްރޫޕްގެ ތިންވަނަ އެޓީމަށް ލިބެނީ ލަނޑުގެ ތަފާތުންނެވެ.