އިންދިރާ ގާންދީ މެމޯރިއަލް ހޮސްޕިޓަލް އަށް ދިމާވެފައިވާ ކާބަންޑައިއޮކްސައިޑްގެ ދަތިކަމުގެ ސަބަބުން އެހޮސްޕިޓަލުން ކުރާ ބައެއް ސާރޖަރީތައް މެދު ކަނޑާލައިފިއެވެ.
އައިޖީއެމްއެޗް އަށް ބޭނުންވާ ކާބަންޑައިއޮކްސައިޑް ލިބުން ދަތިވެފައި މިވަނީ އެހޮސްޕިޓަަލަށް ކާބަންޑައިއޮކްސައިޑް ފޯރުކޮށްދޭ އެސްޓީއޯ އިން ގޭސް ލިބުން ދަތިވެފައިވާތީ ކަމަށް މީޑީއާ އަށް އައިޖީއެމްއެޗް އިން މައުލޫމާތު ދީފައިވެއެވެ.
ގޭސް ލިބުން ދަތިވެ، އެހޮސްޕިޓަލުން ކުރަންޖެހޭ ބައެއް ސާޖަރީތައް ކުރުންވެސް ވަނީ މަޑުޖައްސާލައިފައެވެ.
އެގޮތުން ރޫޓިން ލެޕަރޮސްކޮޕް ސާޖަރީތައް ނުވަތަ ބަނޑުގައި ލޯވަޅު އަޅައިގެން ކެމެރާ ލައްވައިގެން ކުރާ ސާޖަރީތައް ވަނީ މަޑުޖައްސައިލައިފައެވެ. މި ވަގުތަށް ހުރި ކާބަންޑައި އޮކްސައިޑް ބޭނުންކުރަނީ ކުއްލި ހާލަތްތަކުގައި ހަދާ ލެޕަރޮސްކޮޕިކް ސާޖަރީތަކަށް ކަމަށް މީޑިއާތަކުން ބުނުފައިވެއެވެ. ނަމަވެސް، އެހެން ސާޖަރީތައް ކުރިއަށް ގެންދާ ކަމަށް ވެ އެވެ.
އައިޖީއެމްއެޗް އިން ބުނެފައިވަނީ އެ ހޮސްޕިޓަލަށް ގޭސް ސަޕްލައިކޮށްދެނީ އެސްޓީއޯ އިން ކަމަށާއި ގޭސް ނުލިބިވަނީ އެކޮޅުން ޑެލިވާކުރުމުގައި ލަސްތަކެއް އުޅޭތީ ކަމަށެވެ.
މިކަމާއި ގުޅިގެން އެސްޓީއޯ އިން ބުނެފައިވަނީ އައިޖީއެމްއެޗް އަށް ދިމާވެފައިވާ ކާބްނަޑައިއޮކްސައިޑްގެ ދަތިކަމަށް މިއަދު ހައްލެއް ހޯދައި ދޭނެކަމަށެވެ.
އެގޮތިން މިވަގުތަށް ކޮންމެހެން ބޭނުންވާ ދެ ސިލިންޑަރު ގޭސް މިއަދު އައިޖީއެމްއެޗް އަށް އެސްޓީއޯ އިން ފޯރުކޮށްދޭނެ ކަމަށާއި، ތިން ދުވަސް ތެރޭ އެއާފްރެއިޓްކޮށް އިތުރު 12 ސިލިންޑަރު ސަޕްލައިކޮށްދޭނެ ކަމަށް އެސްޓީއޯ ގެ ފަރާތުން ސަރުކާރުގެ އޮފިޝަލަކު ހާމަކޮށްފައިވެއެވެ.
އެސްޓީއޯ މެދުވެރިކޮށް ލިބެންޖެހޭ މިފަދަ މުހިންމު ގޭހެއް ނުލިބި، އޮޕަރޭޝަންތައް މެދު ކެނޑިގެން މިދިޔައީ އެސްޓީއޯގެ މެނޭޖިން ޑިރެކްޓަރު އަދި ސީއީއޯގެ މަގާމުން ހުސެއިން އަމްރު، މިދިޔަ އާދީއްތަ ދުވަހު މަގާމުން ވަކިކޮށްފައި ވަނިކޮށެވެ. އެ ކުންފުނި މިވަގުތު ހިންގަމުންދަނީ އެ ކުންފުނީގެ ޗީފް ފައިނޭންޝިއަލް އޮފިސަރެވެ. އަދި އެސްޓީއޯގެ މެނޭޖިން ޑިރެކްޓަރުގެ މަގާމަށް މޯލްޑިވްސް ސްޓޭޓް ޝިޕިން (އެމްއެސްއެސް)ގެ މެނޭޖިން ޑިރެކްޓަރ އަބްދުﷲ ސައީދު (ކޮށީގޭ ސައީދު) ހަމަޖައްސަން ޕީސީބީއަށް ސަރުކާރުން މިއަދު ވަނީ ފޮނުވައިފަ އެވެ.
Advertisement
This content is created and paid for by advertisers and does not involve Voice Journalists
