އޭޕްރިލްމަހުގެ ފުރަތަމަ ދުވަހުން ފެށިގެން ވޭސްޓް މެނޭޖުމަންޓު ކޯޕަރޭޝަންގެ ޚިދުމަތުގެ ބިލާއި ސްޓެލްކޯގެ ކަރަންޓު ބިލުތައް އެއްކޮލާ، އެޕާޓްމަންޓްތަކަށް އަރައި ކުނި ނަގައި އަގެއްގެ ގޮތުގައި ދުވާލަކަށް 4.93 ރުފިޔާގެ ރޭޓުން ނަގާގޮތަށް ވެމްކޯއިން ކަނޑައަޅައިފި އެވެ.
ވެމްކޯއިން ގެތަކުން ކުނި ނަގައިދޭ ބިލް ސްޓެލްކޯގެ ކަރަންޓު ބިލުގައި ހިމަނަން އެކުންފުނިން ނިންމާފައިވާއިރު އެ ހިދުމަތުގެ ފީ ދެން ނަގާނީ ކަރަންޓު ބިލުގައި ހިމަނައިގެންނެވެ.
އެކަމުގެ ތަފްސީލުތައް ހާމަކުރުމަށް ވެމްކޯއިން ކޮށްފައިވާ އިއުލާނެއްގައި ބުނެފައިވަނީ އޭޕްރިލް މަހުގެ ފުރަތަމަ ދުވަހުން ފެށިގެން ވެމްކޯގެ ބިލު ސްޓެލްކޯގެ ބިލުގައި ހިމަނާނެ ކަމަށެވެ.
އެއާއެކު ހައުސްހޯލްޑު ކުނި އުކާލުމުގެ ޚިދުމަތަށް ދުވާލަކު 4.93 ރުފިޔާގެ ރޭޓުން ސްޓެލްކޯގެ ބިލުގެ މުއްދަތަށް ބިލުގައި ހިމަނާނެކަމަށް ވެމްކޯއިން ވަނީ ބުނެފައެވެ.
އޭގެ އިތުރުން ވެމްކޯއިން ބުނީ ގޭބިސީތަކުން ބޭނުންނުކުރާ ކަރަންޓު މީޓަރުތަކުގައި ކުނި އުކާލުމުގެ ޚިދުމަތުގެ ފީ ނުހިމެނޭނެކަމަށެވެ.
އަދި ހަމައެހެންމެ ގޭބީސީތަކުގެ މެއިންޓަނެންސް، ސާވިސް، ބޫސްޓާޕަމްޕު އަދި ޓެލެކޮމްފަދަ މީޓަރުތައް ބިލުން އުނިކުރުމަށް ވޭސްޓު މެނޭޖުމަންޓް ކޯޕަރޭޝަންގެ ވެބްސައިޓުގައިވާ "ޔޫޓިލިޓީ މީޓާ އެކްސްކްލޫޝަން ފޯމު" ހުށައެޅުއްވުމަށްވެސް ވެމްކޯއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
