އަފްޣާނިސްޠާނުގައި އަންހެން ކުދިންނަށް ތަޢުލީމު ދިނުމަށް ގޮވަލައި އަންހެން ކުދިންނަށް އެފަދަ ފުރުޞަތުތައް ހޯދައިދިނުމަށް މަސައްކަތް ކުރާ މަތީއުﷲ ވެސާ ޠަލިބާން ސަރުކާރުން ހައްޔަރުކޮށްފިއެވެ.
ޔޫއެން އިން ބުނެފައިވަނީ މަޠީއުﷲ ހައްޔަރުކޮށްފައި ވާކަމަށާއި އޭނާ ހައްޔަރުކުރީ ކޮން ސަބަބަކާއި ހުރެކަން ޠާލިބާނުން ބުނެދީފައި ނުވާކަމަށެވެ. މަޠީއުﷲ އަކީ އަފްޣާނިސްޠާނުގައި ތަޢުލީމު އުގެނުމުން މަހްރޫމްވެފައިވާ ކުދިންނަށް އެފުުރުސަތު ހޯދައިދިނުމަށް މޮބައިލް ލައިބްރަރީ އެއް ތަޢާރަފްކޮށް އަންހެންކުދިންނަށް ތަޢުލީމުދިނުމަށް ގޮވާލައި އެކަމަށް ވަކާލަތު ކުރަމުންދާ މީހެކެވެ. އަދި އަފްޣާނިސްޠާނުގައި ކުރިއަށް ގެންދާ "ޕެން ޕޭތް" ގެ ހެޑަކީވެސް މަޠީއުﷲ އެވެ.
ޔޫއެން އިން ވަނީ މަޠީއުﷲ ވީތަނެއް ހާމަކުރުމަށާއި އޭނާ ހައްޔަރު ކުރި ސަބަބެއް ހާމަކުރުމަށް ގޮވާލައިފައެވެ. އަދި ބޭނުންވެއްޖެ ހިނދެއްގައި އޭނާ އަށް ވަކީލުންގެ އިންތިޒާމް ހަމަޖައްސައި ދިނުމަށާއި އޭނާގެ އާއިލާ އަށް އޭނާ އާއި ވާހަކަދެވޭނެ ގޮތް ހަދައިދިނުމަށްވެސް ގޮވާލައިފައިވެއެވެ.
ޠާލިބާނުގެ ސަރުކާރުން ޔޫއެންގެ މި ގޮޥާލުމަށް އެއްވެސް ޖަވާބެެއް އަދިއެއް ދީފައެއް ނުވެއެވެ.
މަޠީއުﷲ އަފްޢާނިސްތާނުގައި އަންހެން ކުދިންނަށް ތަޢުލީމު އުގެނުމުގެ ހައްޤު ހޮދައި ދިނުމަށް ވަކާލާތު ކުރަމުންދާތާ އަހަރުތަކެއް ވަނީ ވެފައެވެ.
މި ފަހުން ޠާލިބާނުންގެ ވެރިކަން ފެށުމުގެ ކުރިން އޮތް ވެރިކަން އޮތް އިރުވެސް އަފްޣާންގެ ތަރައްޤީނުވާ ހިސާބުތަކަށް ދަތުރުކޮށް ޓްރައިބް ތަކުގެ ވެރިންނާއި ބައްދަލުކޮށް ސްކޫލްތައް ހުޅުވުމަށާއި ތަޢުލީމު ދިނުމަށް ގޮވާލައި އެކަންކަމާއި މެދު ހޭލުންތެރި ކުރުވާފައިވެއެވެ. އަދި ފޮތް ހަދިޔާ ކުރުމާއި މޮބައިލް ލައިބްރަރީތައް ފޯރުކޮށްދީފައި ވެއެވެ.
2021 ގައި ޠާލިބާނުން އަފްޣާނިސްޠާނުގެ ވެރިކަމަށް އައިފަހުން އެޤައުމުގެ އެތައް އަންހެން ކުއްޖަކު ތަޢުލީމު އުގެނުމުގެ ހައްޤުން މަހްރޫމް ވެފައި އެބަތިއްބެވެ.
Advertisement
This content is created and paid for by advertisers and does not involve Voice Journalists
