ތިލަފުށީ ސައިޓެއްގައި އަލިފާން ރޯވެ ސިފައިން ހަރަކާތް ތެރިވާން ފަށައިފިއެވެ. 

އެމްއެންޑީއެފްއިން ބުނީ، ތިލަފުށީ އެމްޕީއެލް ސަރަހައްދުގައި ހުރި އިމާރާތެއްގައި އަލިފާން ރޯވެގެން ތިލަފުށީ ފަޔަރ ސްޓޭޝަނުން ހަރަކާތްތެރި ވަމުންދާ ކަމަށެވެ. އަދި އެ ހާދިސާގެ މަޢުލޫމާތު އެ އިދާރާއަށް ލިބުނީ މިއަދު މެންދުރު 12:45 ހާއިރު ކަމަށްވެސް ބުނެފައިވެއެވެ.

މީގެ އިތުރުން، އަލިފާން ގަނޑުގެ 80 ޕަސެންޓް މިހާރު ކޮންޓްރޯލް ކުރެވިފައިވާ ކަމަށާއި އަލިފަން ގަނޑު އިތުރުތަނަކަށް ފެތުރިފައިނުވާ ކަމަށް އެމްއެންޑީއެފް އިން ބުނެފައިވެއެވެ. 

Advertisement

އަލިފާން ރޯވެފައިވަނީ 2 ބުރިއަށް ހަދާފަ ހުރި އިމާރާތެއްގައި ކަމަށާއި، އިމާރާތުގެ ގްރައުންޑް ފްލޯރއަކީ ލަކުޑި ގުދަނެއް ކަމަށް އެމްއެންޑީއެފުން މައުލޫމާތުދެއެވެ. އަދި މަތީބައި ބޭނުން ކުރަނީ އެކޮމޮޑޭޝަން ބްލޮކެއްގެ ގޮތުގައި ކަމަށާއި، މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެމްއެންޑީއެފުން ބުނެއެވެ.

މި އަލިފާން ނިއްވާލާފައިވަނީ މިއަދުގެ 14:23 ހާއިރު ކަމަށް އެމްއެންޑީއެފްއިން ބުނެފައިވެއެވެ.