ވ. އާރަށް ކުއްޔަށް ދޫކުރުމުގެ މުއާަމަލާތާއި ގުޅިގެން އިދިކޮޅު ކޯލިޝަންގެ ރިޔާސީ ކެންޑިޑޭޓް އަބްދުالله ޔާމީން އަބްދުލްގައްޔޫމަށް ކްރިމިނަލް ކޯޓުން އިއްވި 11 އަހަރުގެ ޖަލު ހުކުމް އެމަނިކުފާނުގެ ފަރާތްޕުޅުން އިސްތިއުނާފުކުރުމަށް ހުށައެޅި މައްސަލަ ހައިކޯޓުން ބަލައިގެންފި އެވެ.
އެކަން އެމަނިކުފާނުގެ އިސް ޤާނޫނީ ވަކީލު ޑރ މުޙައްމަދު ޖަމީލު އަހުމަދު ވަނީ ކަށަވަރުކޮށްދެއްވާފަ އެވެ. އެކަމާއި ގުޅޭގޮތުން ޑރ ޖަމީލު ކުރެއްވި ފޭސްބުކު ޕޯސްޓެއްގައިވެސް ވަނީ ހއިކޯޓުން ރައީސް ޔާމީންގެ ފަރާތްޕުޅުން އާރަށު މައްސަލައާއި ގުޅިގެން ހުށައެޅުއްވި އިސްތިއުފާނު ބަލައިގެންފައިވާކަމަށް ވިދާޅުވެފަ އެވެ.
"انشاءالله ރ. ޔާމީނު މިނިިވަންވެ ވަޑައިގެން މިއަހަރުގެ އިންތިޚާބު ކާމިޔާ ކުރައްވާނެ. މިއަދު މިވަނީ ހައިކޯޓަށް އިސްތިއުނާކުރި މައްސަލަ ބަލައިގެންފައި. ތިޔަ ލޮބުވެތި އެންމެހާ ރައްޔިތުންގެ ހެޔޮ ދުޢާ ރ ޔާމީނަށް ކޮށްދެއްވާ"
ރައީސް ޔާމީންގެ އިސް ގާނޫނީ ވަކީލު ޑރ މުޙައްމަދު ޖަމީލު އަހުމަދު
ޑރ ޖަމީލުގެ ޕޯސްޓުގައި ވަނީ ރައީސް ޔާމީންގެ މައްޗަށް ދައުވާ އުފުލުމުގައި އަދި ޝަރީއަތުން އެ މައްސަލަ ބެލިއިރު ހަދާފައިވާ ބައެއް ގޯސްތައްވެސް ފާހަގަކުރައްވާފަ އެވެ.
"ރައީސް ޔާމީނުގެ މައްޗަށް ދައުވާތައް އުފުލުމުގައި ޕީޖީ ވަނީ ގާނޫނު އަސާސީގެ 17 އަދި 20 ވަނަ މާއްދާގައިވާ ތަފާތު ނުކުރުމާއި ހަމަހަމަކަމުގެ ކޮންސްޓިޓިއުޝަނަލް އޮބްލިގޭޝަން އެއްފަރާތްކޮށްފައެވެ"
ރައީސް ޔާމީންގެ އިސް ގާނޫނީ ވަކީލު ޑރ މުޙައްމަދު ޖަމީލު އަހުމަދު
އޭގެ އިތުރުން ރައީސް ޔާމިނާއި ދެކޮޅަށް ހެކިންގެ ގޮތުގައި ފާސިގުން ބޭނުންކޮށްފައިވާ ކަމަށާއި، އެއީ ކުރެވޭ ކަމެއް ނޫން ކަމަށް ޑރ ޖަމީލު ވިދާޅުވެފައި ވެއެވެ. އަދި ރައީސް ޔާމީނާއި ދެކޮޅަށް ހެކިބަސް ދިނުމުގެ ބަދަލެއްގެ ގޮތުން ބޮޑެތި ކުށްތައް ކޮށްފައިވާ ފަރާތްތަކަށް ދައުލަތުން ބޮޑެތި ލުއިތައް ދީފައިވާކަން ވެސް ޑރ ޖަމީލު ފާހަގަކުރެއްވި އެވެ.
"ހެކިބޭނުންކުރުމުގައި ޝަރުޢީ އަދި ގާނޫނީގޮތުން ބޮޑަތި ކުށްތައްކޮށް ފައިވާ ދެ މުޖްރިމުން އެއީ ފާސގުންކަމުގައި ޝަރުޢީގޮތުން ބެެވޭއިރުވެސް އަދީބާއި ޒިޔަތާއި ޑީލްހަދާ ގެއަށް ބަދަލުކޮށް އެމީހުންނަކީ ބޮޑު އެސެޓެއްގެ ގޮތުގައި ބަލައިގެންފަ"
ރައީސް ޔާމީންގެ އިސް ގާނޫނީ ވަކީލު ޑރ މުޙައްމަދު ޖަމީލު އަހުމަދު
ރައީސް ޔާމީންގެ ގާނޫނީ ވަކީލުންގެ ޓީމުގައި އެންމެ އިސްކޮށް އުޅުއްވާ ކުރީގެ ނައިބު ރައީސް ޑރ.މުހައްމަދު ޖަމީލު އަހުމަދު ވިދާޅުވީ ރައީސް ޔާމީންގެ ފަރާތްޕުޅުން ހުށަހެޅި އިސްތިއުނާފް ގައި ހުރި ކަންކަމަށް ބަލައި، އިންސާފުވެރި ޝަރީއަތެއް ހިންގައިފި ނަމަ، އިރާދަކުރެއްވިޔާ އިސްތިއުނާފު ކާމިޔާބު ވާނެކަމަށެވެ.
އެމަނިކުފާނަށް ރިޔާސީ އިންތިޚާބުގައި ވާދަކުރެވޭނެ ކަމަށާއި، ކެމްޕޭނު ކުރުމަށްވެސް އެކަށީގެންވާ މުއްދަތެއް ލިބިވަޑައިގަންނަވާނެކަމަށް ޑރ ޖަމީލު ގެންދަވަނީ ވިދާޅުވަމުން ނެވެ.
Advertisement
This content is created and paid for by advertisers and does not involve Voice Journalists
