ފެބްރުއަރީ 6 ވަނަ ދުވަހު ތުރްކިޔޭ އާއި ސީރިޔާ އަށް އައިބިންހެލުމުގައި ވެއްޓުނު ޢިމާރާތެއްގެ ދަށުން ބިންހެލުމަށް 128 ގަޑި އިރުވިފަހުން ސަލާމަތް ކުރި ތުއްތު ކުއްޖަކު، ހާދިސާއަށް 54 ދުވަސް ފަހުން އެކުއްޖާގެ މަންމަ އާއި ހަވާލުކޮށްފިއެވެ.

ތިން މަހާއި ބައިގެ ވެޓިން ބެގްޑަސް ސަލާމަތްކޮށްފައިވަނީ ހަޓޭޔާ ޕްރޮވިންސްއިންނެވެ. ސަލާމަތް ކުރުމަށް ފަހު އެކުއްޖާ ވަނީ އިތުރު ފަރުވާ އަށް އަންކާރާ ގެ ހޮސްޕިޓަލަކަށް ބަދަލު ކުރެވިފައިވެއެވެ. ވެޓިންގެ ނަމާއި އޭނާ އާއި ގުޅޭ މައުލޫމާތު ސާފުވެފައި ނުވާތީ ހެލްތް އޮފިޝަލުން އެކުއްޖާއަށް ނަންދީފައިވަނީ "ގިޒެމް" ގެނަމުންނެވެ. މާނައަކީ މިސްޓްރީއެވެ.

ތުރްކިޔޭގެ ފެމިލީ އެންޑް ސޯޝަލް ސާރވިސަސް މިނިސްޓަރ ދެރްޔާ ޔެނިކް ވަނީ ވެޓިންގެ މަންމަ ފަރުވާ އަށް އެނދުމަތިކޮށްފައި އޮތް އަދާނާ ޕޮރޮވިންސްގެ ހޮސްޕިޓަލަށް ގޮސް އެކުއްޖާގެ މަންމް ޔާސްމީން ބެގްދަސް ގެ އަތަށް ކުއްޖާ ހަވާލުކޮށްފައެވެ.

ވެޓިން އާއި އޭނާގެ މަންމަ އެއްތަންކުރެވިފައިމިވަނީ ތުރްކިޔޭގެ ސަރުކާރުން ހެދި ޑީއެންއޭ ޓެސްޓު ތަކަށް ފަހު އޭގެ ނަތީޖާއަށް ބަލައިގެނެވެ. ވެޓިންގެ ބައްޕަ އާއި އެދެމަފިރިންގެ އަނެއް ދެ ފިރިހެން ކުދިން ވަނީ ބިންހެލުމުގެ ސަބަބުން މަރުވެފައެވެ.

"މިތުއްތު ކުއްޖާ އަކީ ހަޤީޤަތުގައިވެސް "މިރަކަލް" އެއް، އެހާ ގިނަ ވަގުތު ފަހުން އެކުއްޖާ ސަލާމަތް ކުރެވުމާއި، ސިއްޙީ އެއްވެސް މައްސަލައެއް އެކުއްޖާ އަށް ދިމާވެފައިނެތުމަކީ އަޖައިބެއްފަދަ ކަމެއް، ގެޒިމް އަކީ މިހާރު އަހަރެމެންގެ ވެސް ދަރިއެއް" އެމިނިސްޓްރީގެ ސަޕޯޓު އެދެމައިނަށް އަބަދުވެސް ލިބޭނެ ކަން ފާހަގަ ކޮށް ވާހަކަ ދައްކަމުން ދެރިޔާ ޔެނިކް ބުނެފައިވެއެވެ.