ތޮއްޑޫގައި އޯޕަން އެކްސެސް ނެޓްވޯކެއް ގާއިމް ކުރުމުގެ އެއްބަސްވުމެއްގައި އާބަންކޯ އާއެކު އެރަށުގެ ކައުންސިލުން ސޮއި ކޮށްފިއެވެ.

އާބަންކޯގެ އިދާރާގައި ގައި ބޭއްވި ރަސްމިއްޔާތެއްގައި އެ ކޯޕަރޭޝަނުގެ ފަރާތުން އެއްބަސްވުމުގައި ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރ އަހުމަދު އާތިފް އެވެ. ތޮއްޑޫ ކައުންސިލް ގެ ފަރާތުން ސޮއިކުރެއްވީ އެ ކައުންސިލްގެ ރައީސް އަހުމަދް އަކްރަމް އެވެ.

މީގެ އިތުރުން ތޮޑޫގެ ބަނދަރު ސަރަހައްދާއި، ފެރީ ޓާމިނަލް، ކާގޯ ގުދަން އަދި ރަށުުގެ އާންމު ފަތުރުވެރިންގެ ގޮނޑުދޮށް ތަރަށްގީ ކުރުމުގެ އެމްއޯޔޫއެއްގައި ވެސް ތޮއްޑޫ ކައުންސިލުން އާބަންކޯއާ އެކު ވަނީ ސޮއިކޮށްފަ އެވެ.

މި އެއްބަސްތަކާއި ގުޅިގެން ތޮއްޑޫ ކައުންސިލުން ބުނީ އާބަންކޯއާ އެކު އެއްބަސްވި މަސައްކަތްތައް ނިމުމުން ތޮއްޑޫގެ ރައްޔިތުންނަށް ގިނަ ލުއި ފަސޭހަ ތަކެއް ލިބޭނެ ކަމަށެވެ.

އަދި މި އެއްބަސްތަކާއި ގުޅިގެން އާބަންކޯއިން ބުނީ ތޮއްޑުއަށް އެ ހިދުމަތްތައް ފޯރުކޮށްދެވުމަކީ އެ ކޯޕަރޭޝަނަށްވެސް ލިބޭ އުފަލެއް ކަަމަށެވެ.