ހދ. ހަނިމާދ ބަނދަރު ތަރައްޤީކުރުމުގެ މަޝްރޫޢުގެ މަސައްކަތް 01 އޭޕްރިލް 2023 ވަނަ ދުވަހު ނިންމާފައިވާ ކަމަށް އެމްޓީސީސީން ބުނެފިއެވެ. 

މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީ އާއި ހަވާލުކޮށްގެން ކުރިއަށް ގެންދިޔަ މި މަޝްރޫޢުގެ އަގަކީ 15.65 މިލިއަން ރުފިޔާއެވެ. 

މި މަޝްރޫޢުގެ ދަށުން 19,870 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއ،ި 6,525 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމާއ،ި 310 މީޓަރުގެ ސަރަޙައްދެއްގައި އެއްގަމުތޮށި ލުމާއި 704 މީޓަރުގެ ސަރަޙައްދެއްގައި ބޭރުތޮށި ލުމާއ،ި 140 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއ،ި 90 މީޓަރުގެ ސަރަޙައްދެއްގައި ގްރޮއިންސް ޖެހުމާއި، 2,583 އަކަ މީޓަރުގެ ސަރަޙައްދެއްގައި ކޮންކްރީޓް ޕޭވްމަންޓް ހެދުމާއި، ޖެޓީއެއް ހެދުމާއި، ބްރިޖެއް ހެދުމާއި، ރޭމްޕެއް ހެދުމުގެ އިތުރުން ނެރު ބައްތި އާއި ބަނދަރު ބައްތި ހަރުކުރުމުގެ މަސައްކަތް ހިމެނެއެވެ. 

Advertisement

އެމްޓީސީސީން އެ ބަނދަރު ބޮޑުކޮށް ޒަމާނީ ބަނދަރަކަށް ބަދަލުކުރުމުން މިއަދު ހަނިމާދޫ ރައްޔިތުންނަށް އެތައް ލުއިފަސޭހައަކާއި ބޮޑު އުފަލެއް ލިބޭނެ ކަމަށާއި ބަނދަރު ތަރައްގީކުރެވި ފުރިހަމަވެގެންދިއުމަކީ އިގުތިސާދީ ގޮތުން ބެލިކަމުގައި ވިޔަސް އެކަމުގެ ފައިދާ ހަނިމާދޫއަށާއި އެ ރަށް ކައިރީގައިވާ އެހެން ރަށްތަކުގެ މީހުންނަށް ލިބިގެންދާނެ މުހިންމު މަޝްރޫއެއް ކަމަށެވެ.