އިރާން ސަރުކާރުން އެޤައުމުގައި ބުރުގާ ނާޅައި އުޅޭ އަންހެނުން ދެނެގަތުމަށް ކެމެރާ ހަރުކުރުމަށް ނިންމައިފިއެވެ.

އިރާން ފުލުހުން ބުނެފައިވަނީ ކެމެރާހްރުކޮށްގެ ބަލަމުންދާއިރު ބުރުގާ ނާޅާ އަންހެނަކު ފާހަގަ ވެއްޖެނަމަ އެމީހަކަށް ހަނދާން ކޮށް ދިނުމާއި އެކު އިންޒާރުގެ މެސެޖެއް ފޮނުވޭނެކަމަށެވެ.

އިރާންގެ ސަރުކާރުން ބުނެފައިވަނީ މިކަމަކީ ނިވައިވެގެން އުޅުމަށް އަންގައިފައި ވާ ޤާނޫނަށް ޢަމަލުކުރުން އިތުރުކޮށް އެކަން ހަރުދަނާގޮތެއްގައި ކުރިއަށް ގެންދިޔުމަށް ކުރެވޭކަމެއް ކަމަށެވެ. އަދި މިފަދަ ޤާނޫނު ތަކަށް އަމަލު ނުކުރުމަކީ އިރާންގެ ރޫހާނީ މަންޒަރު ގެއްލި، އެއްބައެއްގެ މައްޗަށް އޮތް އަމާންކަން ގެއްލިނެތިދާނެ ކަމެއް ކަމަށެވެ.

Advertisement

އިރާން ފުލުހުން ބުނެފައިވަނީ ބުރުގާ އެޅުމާއި ބެހޭ ޤާނޫނު ތަންފީޒު ކުރުމުގައި ވަކި މީހަކަށް ވަކި ބަޔަކަށް ބެލުމެއް ނޯންނާނެ ކަމަށެވެ. ޤާނޫނަށް އަމަލު ނުކުރާނަމަ ފިޔަވަޅު އެޅުމުގައިވެސް ވަކި މީހެއް ތަފާތު ނުކުރާނެ ކަމަށްވެސް ބުނެފައިވެއެވެ.

އިރާން ސަރުކާރުގެ މިފަދަ އިޢްލާނެއް ނެރެފައިމިވަނީ ސަރުކާރާއި ދެކޮޅަށް ކުރި މުޒާހަރާތަކެެއްގެ ސަބަބުން ބުރުގާ އެޅުން މަޖުބޫރު ކޮށް އޮތް އޮތުމަށް ލުއި ދިނުމަށް އިރާންގެ ސަރުކާރުން ނިންމި ނިންމުމާއި މެދު އެ ޤައުމުގެ އިސް ދީނީ ޢިލްމުވެރިން ނުރުހުން ފާޅުކޮށްފައިވާ ދަނޑިވަޅެއްގައެވެ.

މިފަހަކަށް އައިސް ބުރުގާ އެޅުމާއި ދެކޮޅުހަދައި، ބުރުގާ އެޅުން މަޖުބޫރު ކޮށްފައި ވާތީ އިރާނުގައި އެތައް އަންހެނަކު ވަނީ މުޒާހަރާކޮށްފައެވެ. އަދި އެތައް ބަޔަކު، މިކަމަށް ތާއީދު ކުރުމުގެ ގޮތުން އެމީހުންގެ ބުރުގާތައް އަަންދާލައިވެސް ހެދިއެވެ.

އިރާންގެ ސަރުކާރުން އަންނަނީ އިސްލާމްދީނުގެ އަސްލުތަކާއި އެއްގޮތަށް ޤައުމު ހިންގުމަށް މަސައްކަތް ތަކެއް ކުރަމުންނެވެ. އެހެންނަމަވެސް ހުޅަނގުން ދަނީ މިކަން ނާކާމިޔާބު ކުރުމަށް އިރާނުގެ ރައްޔިތުންނަށް މިކަން ކަމާއި ދެކޮޅު ހެދުމަށް ގޮވައިލަމުންނެވެ.