ކ ގުޅީ ބިންހިއްކުމުގެ މަޝްރޫޢު ފަށަން ތައްޔާރުވެފައިވާ ކަމަށް އެމްޓީސީސީ އިން ބުނެފިއެވެ.

ގުޅީ ބިންހިއްކުމާއި އެރަށުގެ ގޮނޑުދޮށް ހިމާޔަތްކުރުމުގެ މަސައްކަތްވެސް ހަވާލުވެފައިވާ އެމްޓީސީސީ އިން ބުނެފައިވަނީ އެ މަސައްކަތްތަކުގެ ޢަމަލީ މަސައްކަތް ފެށުމަށް މިދިޔަ ހޮނިހިރު ދުވަހު ޕްރޮޖެކްޓް ސައިޓް މޮބިލައިޒްކޮށްފައިވާ ކަމަށެވެ.

މި މަޝްރޫޢުގެ ދަށުން، 10.15 ހެކްޓަރުގެ ބިން ހިއްކުމާއި، 940 މީޓަރުގެ ސަރަހައްދެއްގައި ބޮޑުހިލައިގެ ރިވެޓްމެންޓް ޖެހުން ހިމެނޭ ކަމަށް އެމްޓީސީސީއިން ހާމަކޮށްފައިވެއެވެ. އަދި 362 މީޓަރުގެ ސަރަޙައްދެއްގައި ޖިއޯބޭގް ރިވެޓްމެންޓް ޖެހުމާއި، 88 މީޓަރުގެ ސަރަޙައްދެއްގައި ބޮޑުހިލައިގެ ގްރޮއިން ޖެހުމުގެ މަސައްކަތް ހިމެނޭ ކަމަށް ވެސް އެމްޓީސީސީ އިން ބުނެފައިވެއެވެ.

ޕްލޭނިން މިނިސްޓްރީއިން އެމްޓީސީސީއާއި ހަވާލުކުރި މި މަޝްރޫއަކީ 82.99 މިލިއަން ރުފިޔާގެ މަޝްރޫޢެކެވެ.