އައްޑޫ ސިޓީ ހިތަދޫ ކުނިގޮނޑުގައި އަލިފާން ރޯވި ސަރަހައްދުން ދުން އަރާތީ، ދުން އެރުން ކޮންޓްރޯލު ކުރުމަށް އެމްއެންޑީއެފް ސަދަން އޭރިއާ ކޮމާންޑާއި އައްޑޫ ސިޓީގެ މުއައްސަސާތައް ގުޅިގެން ޚާއްސަ އޮޕަރޭޝަނެއް ފަށަފައިފި އެވެ. 

އެމްއެންޑީއެފުން ހާމަކުރި ގޮތުގއި އެ އޮޕަރޭޝަންގައި، އަލިފާން ރޯވި ސަރަހައްދުގައި ހުރި ކުނިތަކުގެ އަޑީގައި އަލިފާނުގެ އަސަރު ހުރުމުން އެކްސްކަވޭޓަރެއް ބޭނުންކޮށްގެން އެސަރަހައްދު ކޮނެ ކުނިތައް އެއްފަރާތްްކޮށް، ފެން ޖަހައިގެން އަލިފާން ނިއްވުމުގެ މަސައްކަތް ދަނީ ކުރަމުންނެވެ.

ހިތަދޫ ރޯވި ސަރަހަދުން އަރަމުންދާ ދުން ކޮންޓްރޯލު ކުރުމަށް މަސައްކަތް ކުރަނީ

ހިތަދޫ ރޯވި ސަރަހަދުން އަރަމުންދާ ދުން ކޮންޓްރޯލު ކުރުމަށް މަސައްކަތް ކުރަނީ

އެ މަސައްކަތުގައި އައްޑޫ ސިޓީ ކައުންސިލް، މޯލްޑިވްސް ޕޮލިސް ސަރވިސް، ގަން އިންޓަނޭޝަނަލް އެއަރޕޯޓް، އެމްޓީސީސީ، ޕޮލިސް އެކެޑަމީ، ވަން އޫޑްގެ އެހީތެރިކަން އަންނަނީ ލިބެމުންކަމަށް އެމްއެންޑީއެފުން ވަނީ ބުނެފައެވެ.