ތުރުކީ އަދި ސީރިޔާ ބިންހެލުމުގައި ގެއްލުން ލިބުނު ފަރާތްތަކަށް އެހީތެރިވުމަށް މުޙިއްޔުއްދީން ސުކޫލްއިން އެއްކުރި ފަންޑު އިންޓަރނޭޝަނަލް އެއިޑް ކެންޕެއިން (އައިއޭސީ) އާއި ހަވާލުކޮށްފިއެވެ.
އިއްޔެ މުޙިއްޔުއްދީން ސުކޫލްގެ އެދިލެއްވުމަށް އައިއޭސީގެ މެންބަރުން ވަނީ އެ ސްކޫލަށް ޒިޔާރަތްކޮށްފައެވެ.
އެގޮތުން މި ބައްދަލުވުމުގައި މުޙިއްޔުއްދީން ސުކޫލްގެ ފަރާތުން ތުރުކީ އަދި ސީރިޔާ ބިންހެލުމުގައި ގެއްލުން ލިބުނު ފަރާތްތަކަށް އެހީވުމުގެ ގޮތުން އެއްކުރެވުނު ފަންޑު ހަވާލުކުރުމުގެ އިތުރުން، އައިއޭސީގެ ޕްރޮޖެކްޓުތަކާއި ބެހޭގޮތުން މައުލޫމާތު ދިނުމުގެ ސެޝަން އެއްވެސް ކުރިއަށް ގެންގޮސްފައިވާ ކަމަށް އައިއޭސީއިން ބުނެފައިވެއެވެ.
މިކަމާއި ގުޅިގެން މުޙިއްޔުއްދީން ސުކޫލްއިން ބުނެފައިވަނީ މި ހަރަކާތަކީ ދަރިވަރުންގެ ހިތްތަކުގައި އެއްބަޔަކު އަނެއްބަޔަކަށް އެހީތެރިވެ އޯގާތެރިވުމާއި ޞަދަޤާތް ކުުރުމުގެ މާތްކަން ދަސްކޮށްދީ އެކަން އަށަގެންނެވުމުގެ ގޮތުން ކުރިއަށް ގެންދެވުނު ހަރަކާތެއް ކަމަށެވެ.
މިއާއިއެކު މިފައިސާ ހަދިޔާ ކުރެވޭނީ ތުރުކީ އަދި ސީރިޔާ ބިންހެލުމުގައި ގެއްލުން ލިބުނު ކުޑަކުދިންނަށް އެހީތެރިވެ އެކުދިންނަށް ހިނިތުންވުން ގެނެސްދިނުމަށްޓަކައި ކަމަށްވެސް އެ ސްކޫލްއިންވަނީ ބުނެފައެވެ.
މީގެ އިތުރުން ޞަދަޤާތުގެ މެދުވެރިއަކަށް ވީތީ އައިއޭސީގެ ހިންގުންތެރިންނަށް އެސްކޫލްގެ ފަރާތުން ވަނީ ޝުކުރު ދަންނަވާފައެވެ.
އައިއޭސީއިން ވަނީ މުޙިއްޔުއްދީން ސުކޫލުގެ އިސްނެންގެވުމަށް ޝުކުރުދަންނަވާ މިފަދަ އިސްނެންގެވުންތަކަށް އައިއޭސީއިން އަބަދުވެސް މަރުހަބާ ކިޔަމާ ކަމަށް ބުނެފައެވެ.
Advertisement
This content is created and paid for by advertisers and does not involve Voice Journalists
