މި އަހަރުގެ ރަމަޟާން މަހުގެ ފުރަތަމަ ދެ ދިހައެއްގައި މަސްޖިދުއް ނަބަވީއަށް 21 މިލިއަން މީހުން ޒިޔާރަތްކޮށްފައިވާ ކަމަށް ސަޢުދީޢަރަބިއްޔާގެ ދެ ޙަރަމްފުޅާއި ބެހޭ އިދާރާގެ ވެރިޔާ ޑރ ޢަބްދުއްރަޙްމާން އައް ސުދައިސް ވިދާޅުވެއްޖެއެވެ.
ސުދައިސް ވިދާޅުވެފައިވަނީ މިއީ މިދިޔަ އަހަރުގެ މިދުވަސްވަރާއި އަޅައި ބަލާއިރު 49 ޕަސެންޓް އިތުރު މިންވަރެއް ކަމަށެވެ.
ސުދައިސް ވިދާޅުވެފައިވަނީ މިއަހަރުގެ މުޙައްރަމް މަހުން ފެށިގެން މިހާތަނަށް 169 މިލިއަން މީހުން މަސްޖިދުއް ނަބަވީއަށް ޒިޔާރަތް ކޮށްފައިވާކަމަށެވެ.
ޝައިޙް ސުދައިސް ވިދާޅުވެފައިވަނީ ދެޙަރަމް އާއި ބެހޭ އިދާރާ އާއި ސަޢުދީސަރުކާރުން ވަނީ ޢުމްރާވުމަށް މައްކާ އާއި މަދީނާ އަށް ޒިޔާރަތްކުރާ މުސްލިމުންނަށް ފަސޭހަ ކަމާއި އެކު އަޅުކަންތައް އަދާކުރެވޭނެ ފަދަ އިންތިޒާމް ތައް ހަމަޖައްސައިފައި ވާކަމަށެވެ.
ދަމުނަމާދު ކުރާ މީހުންނާއި އިޢްތިކާފްއަށް ތިބޭ މީހުން މަސްޖިދުއް ނަބަވީއަށް ޒިޔާރަތްކޮށް މިސްކިތް ވަރަށްބޮޑަށް ފުރިފައިވާ ކަމަށް ދެޙަރަމް އާއި ބެހޭ އިދާރާއިްނ ބުނެފައިވެއެވެ.
Advertisement
This content is created and paid for by advertisers and does not involve Voice Journalists
