މިއަދު ކުރިއަށްދާ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަނުގައި 68 އިންސައްތަ މީހުން ވޯޓު ލައިފި އެވެ. 

ގުރައިދޫ ދާއިރާގައި ވޯޓުލުމުގެ ހައްގު ލިބިގެންވާ 3،423 މީހުން އެބަތިއްބެވެ. އޭގެ ތެރެއިން އެންމެ އާބާދީ ބޮޑީ މާފުށީގައެވެ.

އިލެކްޝަންސް ކޮމިޝަނުން މިއަދުު އެންމެ ފަހުން އާންމު ކުރެއްވި ތަފާސް ހިސާބު ދައްކާގޮތުން މީގެ ގަޑިއިރެއްހާއިރު ކުރިން1،097 މީހުން ވަނީ ވޯޓު ލާފައެވެ.

Advertisement

އޭގެ ތެރޭގައި ހިމެނެނީ566 ފިރިހެނުންނާއި531 އަންހެނުންނެވެ. އީސީން ހާމަކުރި ގޮތުގައި އެއީ ވޯޓު ލުމުގެ ހައްޤު ލިބިފައިވާ މީހުންގެ 68 އިންސައްތަ އެވެ. 

މި އިންތިޚާބުގައި ވޯޓު ލުމަށް 5 ފޮއްޓެއް ވަނީ ބަހައްޓާފަ އެވެ. އެއީ މާލޭގައި އެއް ފޮށި، ގުރައިދޫގައި ދެ ފޮށި، މާފުށީގައި ދެ ފޮށި އަދި ގުޅީގައި ފޮއްޓެކެވެ. މާލޭގައި ވޯޓު ފޮށި ބަހައްޓާފައި ހުރީ އިއްޒުއްދީން ސްކޫލްގައެވެ.

މިއިންތިޚާބުގައި ވާދަ ކުރައްވަނީ ޕީޕީއެމްއިން ހުސައިން ރިޒާ، އެމްޑީޕީން އިބްރާހިމް ޝާޒު އަދި އެމްއެންޕީން އަލީ ޢާރިފެވެ.

މިއަދު ހެނދުނުން ފެށިގެން ވޯޓުލުން ކުރިއަށްދާއިރު އިންތިޚާބު ކުރިއަށް ދަނީ ވަރަށް އަމާން އޮމާންކަމާއެކުގައި ކަމަށް އީސީން ފާހަގަކުރެއެވެ. އަދި އެއްވެސް ސަބަބަކާއި ހުރެ ވޯޓުލުން ހުއްޓާލަން ޖެހިފައި ނުވާކަންވެސް ފާހަގަކޮށްފައި ވެއެވެ.