އަރބަންކޯގެ ނަމުގައި ސްޕޭމް ކޯލްތަކާއި ލިންކުތައް ފޮނުވަމުންގެންދާތީ ސަމާލުވުމަށް އިލްތިމާސްކޮށްފިއެވެ.

އާރބަންކޯއިން ކުރި ޓްވީޓެއްގައި ބުނެފައި ވަނީ، އެ ކޯޕަރޭޝަންގެ ނަމުގައި ސްޕޭމް ކޯލްތަކާއި، ޝައްކު ކުރެވޭ ލިންކްތަކެއް ފޮނުވަމުންދާ ކަން ފާހަގަކުރެވިފައިވާ ކަމަށެވެ.

އެހެން ކަމުން މިފަދަ މެސެޖުތަކާއި ލިންކުތަކަށް ސަމާލުވުމަށް އިލްތިމާސްކޮށް، އަރބަންކޯއިން ބުނީ، އެކޯޕަރޭޝަންގެ ފަރާތުން މިފަދަ އެއްވެސް މުއާމަލާތެއް ނުކުރާނެކަމަށެވެ. އަދި ފައިސާ ދެއްކުމަށް އެ ކޯޕަރޭޝަނުން އެއްވެސް ލިންކެއް ނުފޮނުވާނެ ކަމަށެވެ.

Advertisement

މިފަހަކަށް އައިސް ސޯޝަލްމީޑިއާގެ އެކި ޕްލެޓްފޯމްތަކުގައި މަކަރާއި ހީލަތުން ފައިސާ ހޯދުމާއި، ސްޕޭމް ލިންކުތައް ފޮނުވައި މީހުންގެ ޒާތީ މައުލޫމާތުތައް ހޯދައި ގިނަ އަދަދަކަށް މީހުންގެ އެކައުންޓުން ފައިސާ ނެގުންފަދަ ކަންތައްތައް ވަނީ އިތުރުވެފައެވެ.

މި މައްސަލައަކީ ރައްޔިތުންގެ ކަންބޮޑުުވުން އޮތް، ގިނަ ރައްޔިތުންނަށް މާލީ ބޮޑެތި ގެއްލުންތައް ލިބެންދާ މައްސަލައެކެވެ. އަދި މިކަމާއި ގުޅިގެން ސަމާލުވުމަށް ކަމާއި ގުޅުން ހުރި އިދާރާތަކުން ދަނީ އިރުޝާދު ދެމުންނެވެ.