ރާއްޖެއާއި ރާއްޖޭން ބޭރުގައި އިވެންޓް މެޏޭޖުކުރުމަށް ހާއްސަ ދިވެހި ކުންފުނި، ހައިރައިޒް އާއި ޕައިލެޓުން ތަމްރީން ކުރާ އެކަޑަމީއެއް ކަމަށްވާ، ފިލިޕީންގެ ރޯޔަލް އޭވިއޭޝަން އެކަޑަމީ ގުޅިގެން ރާއްޖޭގައި އޭވިއޭޝަން ނެޓްވޯކިން އިވެންޓެއް ބާއްވަން ނިންމައިފި އެވެ. 

މި ހާއްސަ ނެޓްވާރކިން އިވެންޓު ބޭއްވުމަށް ހަމަޖެހިފައިވަނީ 29 އޭޕްރީލް 2023، ވާ ހޮނިގިރު ދުވަހު ހަވީރު 4:00 ޖަހާއިރު ދިވެހިރާއްޖޭގެ ޤައުމީ ޔުނިވަރސިޓީގެ އޮޑިޓޯރިއަމްގަ އެވެ.

މި އިވެންޓުގައި ރޯޔަލް އޭވިއޭޝަން އެކަޑަމީގެ ހެޑް އޮފް ޓްރެއިނިންގް ކެޕްޓަން މަދޫ ޕުލިޔަން ކަލަތް، ކުއަލިޓި ކޮންޓްރޯލް އެންޑް އެޝުއަރެންސްގެ ހެޑް ކެތީ ކަބަލަޓުންގަން އަދި ހެޑްއޮފް މާކެޓިންގް އެން ސޭލްސް ކެޕްޓަން ޖޮޔަންސް އަންބުމާނީ ވާހަކަ ދައްކަވާނެއެވެ.

Advertisement

ރޯޔަލް އޭވިއޭޝަން އެކަޑަމީއަކީ ޕީޕީއެލް، ސީޕީއެލް، މަލްޓި އިންޖީން، އޭޓީޕީއެލް ތިއަރީ އަދި ގްރަރުންޑް (ޕްރޯޒަން އޭޓީޕީއެލް)، ފްލައިޓް އެންޑް ގްރައުންޑް އިންސްޓްރަކްޓަރ ކޯހުން ފެށިގެން ދަރިވަރުންނަށް ލައިސަންސް ހޯދުމުގެ ފުރުސަތު ފަހިކޮށްދޭ އެކަޑެމިއެކެވެ. އަދި މި އެކަޑަމީއަކީ ފިލިޕީންސްގެ ސިވިލް އޭވިއޭޝަން އޮތޯރިޓީގެ ހުއްދަ ދީފައިވާ، ޕައިލެޓުން ތަމްރީނު ހޯދުމަށް އެންމެ މަޤްބޫލުކަން ހޯދަމުން އަންނަ ޓްރެއިނިންގް އެކަޑަމީއެވެ. ރޯޔަލް އެކަޑަމީގައި ދަރިވަރުން ތަމްރީނުތަކަށް ބޭނުން ކުރުމަށް 20އަށް ވުރުން ގިނަ  އެއާކްރާފްޓް ޕްލީޓެއް އޮވެއެވެ.

މިއީ މަލްޓި އިންޖީނު އެއާރކްރާފްޓް ތަކާއި އެކުގައެވެ. ރޯޔަލް އޭވިއޭޝަން އެކަޑަމީން އަންނަނީ މެދުކެންޑުމެއްނެތި އެ އެކަޑަމީގެ ދަރިވަރުންނަށް އެންމެ ފުރިހަމަ ތަމްރީނު ތަޖުރިބާ ހޯދައިދިނުމަށް މަސައްކަތް ކުރަމުންނެވެ.

ރޯޔަލް އޭވިއޭޝަން އެކަޑަމީން ވަނީ ރާއްޖެ، އިންޑިއާ، ނޭޕާލް، ބަންގްލަދޭޝް، ފިޖީ، ޖަޕާން، ވިއެޓްނާމް، އޮސްޓްރޭލިއާ، ފްރާންސް، ސައުދީ އަރަބިއްޔާ، ޔޫއޭއީ، އޮމާން، ޕަޕުއާ ނިއުގިނީ، މެލޭޝިއާ ،އީރާން، ދެކުނު ކޮރެއާ، ފިލިޕީންސް އަދި އިންޑޮނޭޝިއާ ފަދަ ގައުމުތަކުން 500 އަށް ވުރެ ގިނަ ދަރިވަރުން ދަސްވެނިވެފަ އެވެ. ރޮހެލް އޭވިއޭޝަން އެކަޑަމީއަކީ އުނގެނުމާއި ކުރިއެރުމާއި ކުރިއެރުމަށް މަގުފަހިކޮށްދޭ މަލްޓިކަލްޗަރަލް މާހައުލެއް ހޯދައިދޭ ފަޚުރުވެރިވާ އެކަޑަމީއެކެވެ.

ރޯހެލް އޭވިއޭޝަން އެކަޑަމީގައި 80 އަށް ވުރެ ގިނަ ދިވެހި ދަރިވަރުން ކިޔަވަމުންދާއިރު، 2023 ވަނަ އަހަރުގެ ދިރާސީ އަހަރަށް އެކި އިންޓޭކްތަކަށް 50 އަށް ވުރެ ގިނަ ދަރިވަރުން މިހާރު ވަނީ އެޑްމިޝަން ހޯދާ އެންރޯލުވެފަ އެވެ.

މިއިވެންޓުގައި ބައިވެރިވެވަޑައިގަތުމަށް ޝައުގުވެރިވާ ކޮންމެ ބޭފުޅަކަށްވެސް އެފުރުސަތު ވަނީ ހުޅުވާލާފަ އެވެ. އެހެންނަމަވެސް އޮންލައިންކޮށް ރެޖިސްޓަރ ވާ ބޭފުޅުންނަށް އިސްކަން ދެވޭނެއެވެ.

އެގޮތުން މިއިވެންޓުގައި ބައިވެރިވެވަޑައިގަތުމަށް މި ލިންކު މެދުވެރިކޮށް ރެޖިސްޓަރ ވުމަށް އެދެވެ.