ޕާކިސްތާނުގައި މަސައްކަތް ކުރަމުން ދިޔަ ޗައިނާ މީހަކު އިސްލާމް ދީނަށް ފުރައްސާރަކުރި މައްސަލައެއްގައި ހައްޔަރު ކޮށްފިއެވެ.
މިސްޓަރ ޓިއާން ނަމަކަށް ކިޔާ މިމީހާ އަކީ ޗައިނާއިން ޕާކިސްތާނުގައި ކުރިއަށް ގެންދާ ހައިޑްރޯޕަވަރ ޕްރޮޖެކްޓް ގައި މަސައްކަތް ކުރާ މީހެކެވެ. އޭނާ އިސްލާމްދީނަށް ފުރައްސާރަ ކުރިކަމަށް ބުނެފައިވަނީ އޭނާ އާއި އެކު މަސައްކަތް ކުރާ ބަޔެކެވެ.
ޕާކިސްތާން ފުލުސް އޮފިސަރެއް ކަމަށްވާ ޠާހިރް އައްޔޫބް ބުނެފައިވަނީ މިމައްސަލައިގައި ތުހުމަތުކުރެވޭ މީހާ މައްސަލައިގެ ތަހްޤީޤަށް ފުލުހުންގެ ބެލުމުގެ ދަށަށް ގެނެވިފައވާކަމަށެވެ.
މުސްލިމުންގެ އާބާދީ ބޮޑު ޕާކިސްތާނުގައި އިސްލާމްދީނަށް ފުރައްސާރަ ކުރުމަކީ މަރުގެ އަދަބު ކަނޑައަޅައިފައި އޮންނަ ކުށެކެވެ.
ހައިޑްރޯޕަވަރ ޕްރޮޖެކްޓްގެ ހެވީޓްރާންސްޕޯޓްގެ އިސްވެރިއެއްގެ ގޮތުގައި މަސައްކަތް ކުރާ މިމީހާ، އޭޕްރީލް 15 ވަނަ ދުވަހު ރަސޫލާ ޞައްލަالله ޢަލައިހި ވަސައްލަމް އަށް ފުރައްސާރަ ކޮށްފައިވާކަމަށާއި، މަސައްކަތުގައި އުޅޭ ވަގުތު މަސައްކަތް ތެރިން ނަމާދަށް ދާތީ މަސައްކަތް ލަސްވާކަމަށް ބުނެ މަސައްކަތް ތެރިންނާއި ދިމާއަށް އެއްޗެހި ކިޔައި ހަދައިފައިވާކަމަށެވެ.
ދާސޫ ހައިޑްރޯޕަވަރ ޕްރްޖެކްޓަކީ ޕާކިސްތާނުގެ ކޮހިސްތާން ޑިސްޓްރިކް ގައި، ޗައިނާގެ ގެޒޫބާ ގްރޫޕް ކޮމްޕެނީ އިން ކުރިއަށްގެންދާ ޕްރޮޖެކްޓެކެވެ.
އިސްލާމްދީނަށާއި ރަސޫލާ ޞައްލަالله ޢަލައިހި ވަސައްލަމް އަށް ފުރައްސާރަ ކުރުމުގެ މި މައްސަލައިގެ ސަބަބުން ގިނަ ބަޔަކު ވަނީ މަގުތަކަށްނުކުމެ ނުރުހުން ފާޅުކޮށް އެމީހާ ހައްޔަރުކުރުމަށް ގޮވާލައިފައިވެއެވެ.
Advertisement
This content is created and paid for by advertisers and does not involve Voice Journalists
