އައްޑުސިޓީގައި ސަދަން ސްޕޯޓްސް ކްލަބުން އިންތިޒާމްކޮށް ބާއްވާ އަންހެން ވޮލީބޯޅަ މުބާރާތުގެ ދެވަނަ މެޗް އައިލެންޑް ވޮއިސް އޮފް ޔޫތު (އައިވީ) ކާމިޔާބު ކޮށްފިއެވެ. 

އިއްޔެ ރޭ ކުޅުނު މިމެޗުން ޓީމް ވޯރިއަރސް އާއި ކުޅެ، މަރަދޫފޭދޫއަށް ނިސްބަތްވާ ޓީމް އައިވީ އިން ކާމިޔާބު ކުރީ 3 ސެޓު 1 ސެޓުންނެވެ. ފުރަތަމް ސެޓް އައިވީއިން ކާމިޔާބު ކުރީ 25-13 ނަތީޖާ އަކުންނެވެ. ދެވަނަ ސެޓް 24-26 އިން ޓީމް ވޯރިއަރސް ގެންދިޔަނަމަވެސް، ތިންވަނަ ސެޓް ޓީމް އައިވީ އިން ފަސޭހަކަމާއެކު 25-09 ނަތީޖާއަކުން  ގެންދިޔަ އެވެ. އަދި ހަތަރުވަނަ ސެޓުވެސް 25-21ގެ ނަތީޖާއަކާ އެކު ޓީމް އައިވީ އިން ކާމިޔާބު ކުރިއެވެ.

މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް އައިވީގެ ޖާރޒީ ނަންބަރ 17، ހައްވާ އާސިމާ ހަސަން (ހައްވޫ) އެވެ.

Advertisement

މިރޭ ކުޅުމަށް ހަމަޖެހިފައިވާ ތިންވަނަ މެޗުގައި ބައްދަލު ކުރާނީ ޓީމް ޕުޝްޕާ އާއި ޓީމް ވޯރިއަރސް އެވެ.