ސަދަން ސްޕޯޓްސް ކުލަބުން އައްޑޫސިޓީގައި ކުރިއަށްގެންދާ އަންހެން ވޮލީބޯޅަ މުބާރާތުގެ ލީގު ސްޓޭޖުގެ ފަހު މެޗުން މޮޅުވެ އައިވީވައި ފައިނަލަށް ގޮއްސިއެވެ.

މިމެޗު ޓީމް އައިވީވައި އިން ކާމިޔާބު ކުރީ ޓީމް ޕުޝްޕާއާއި ދެކޮޅަށް ކުޅެ 1-3 ސެޓުންނެވެ. ރޭ ހޯދި މި ނަތީޖާ އާއި އެކު ޓީމް އައިވީވައި އިން ވަނީ  ލީގު ސްޓޭޖުގައި 9 ޕޮއިންޓް ހޯދާ އެއްވަނަ ރޭންކު ހޯދާފައެވެ.

ޓީމް އައިވީވައި ފައިނަލުގެ ފުރަތަމަ ޖާގަ ކާމިޔާބުކޮށްފައިވަނީ ލީގު ސްޓޭޖުގައި ކުޅުނު ހުރިހާ މެޗަކުން މޮޅުވެގެންނެވެ. ރޭގެ މެޗުގައި ކުޅުނު ދެވަނަ ޓީމް، ޓީމް ޕުޝްޕާ މި ވަނީ ތާވަލުގެ 4 ވަނައާއި އެކު މުބާރާތުން އަލްވަދާއު ކިޔާފައެވެ.

Advertisement

މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް އައިވީވައިގެ ޖާރޒީ ނަންބަރ 8، ފާޠިމަތު ނާހިދާ އެވެ.

ލީގު ސްޓޭޖުގެ ފަހު މެޗުގައި މިރޭ ބައްދަލު ކުރާނީ ޓީމް ވޯރިއަރސް އާއި މީދޫ ވޮލީ ޓީމް އެވެ.