މާވަށު ކައުންސިލްގެ ފިތުރު ޢީދު ފުޓްސަލް ފިއެސްޓާގެ ފައިނަލުގައި 4-2 ގެ ނަތީޖާއަކުން ޓީނޭޖް ކުލަބް ބަލިކޮށް މުބާރާތުގެ ޗެންޕިއަންކަން ފުރަތަަމަ ފަހަރަށް އަކިރިކޮޅު ހޯދައިފިއެވެ.

ވާދަވެރި ކުޅުމެއް ދެޓީމުގެ ފަރާތުން ފެނިގެންދިޔަ މިރޭގެ ފައިނަލް މެޗުގައި ފުރަތަަމަ ލަނޑުޖަހައި ކުރިހޯދީ އަކިރިކޮޅުން ނެވެ. މެޗު ފެށިގެން ތިންވަނަ މިނެޓުގައި އެޓީމަށް މިލަނޑު ކާމިޔާބުކޮށްދިނީ މުހައްމަދު ޝާއިރު އެވެ. އަދި ފުރަތަަމަ ހާފުގެ 14 ވަނަ މިނެޓުގައި ޝާއިރު ވަނީ އިތުރު ލަނޑެއް ކާމިޔާބުކޮށް އަކިރިކޮޅަށް ލީޑު ފުޅާކޮށްދީފައެވެ.

ނަމަވެސް ފުރަތަަމަ ހާފު ނިމުމުގެ ކުރިން ޓީނޭޖް ކުލަބުން ލަނޑެއް ކާމިޔާބުކޮށް ނަތީޖާގެ ފަރަގު ކުޑަކުރި އެވެ. މިލަނޑު ފުރަތަމަ ހާފުގެ 18 ވަނަ މިނެޓުގައި ކާމިޔާބުކޮށްދިނީ އެޓީމުގެ މުހައްމަދު ނައުފަލް އެވެ. މިއާއެކު ފުރަތަމަ ހާފުގެ ކުޅުން ނިމިގެންދިޔައީ 2-1 ގެ ނަތީޖާއަކުން އަކިރިކޮޅު ކުރީގައި އޮވެގެންނެވެ.

ދެވަަނަ ހާފު ފެށިގެން ދެވަނަ މިނެޓުގައި އަކިރިކޮޅުން އިތުރު ލަނޑެއް ކާމިޔާބުކޮށް އެޓީމުގެ ލީޑު ފުޅާކުރި އެވެ. މި ލަނޑު އެޓީމަށް ކާމިޔާބުކޮށްދިނީ އިބްރާހިމް ވަޖީހު އެވެ. އަދި މި މެޗުގައި އަކިރިކޮޅުން ކަމިޔާބު ކުރި ހަތަރުވަނަ ލަނޑު ދެވަނަ ހާފުގެ 16 ވަނަ މިނެޓުގައި ކާމިޔާބުކޮށްދިނީ، މުހައްމަދު ޝާއިރު ވަނީ މި މެޗުގައި އޭނާގެ ހެޓްރިކް ފުރިހަމަކޮށްފައެވެ. އަދި މިއީ މި މުބާރާތުގައި އޭނާ ކާމިޔާބުކުރި 7 ވަނަ ލަނޑެވެ.

ޓީނޭޖް ކުލަބުގެ ދެވަނަ ލަނޑު ފަހު ހާފުގެ އެންމެ ފަހު މިނެޓްގައި ކާމިޔާބުކޮށްދިނީ މުހައްމަދު ފާރިސް ހަސަން އެވެ. ފައިނަލް މެޗުގެ މޮޅު ކުޅުންތެރިޔަކަށް ހޮވުނީ އަކިރިކޮޅު ޓީމުގެ މުހައްމަދު ޝާއިރު އެވެ.

މުބާރާތުގެ އެންމެ މޮޅު ފަސް ކުޅުންތެރިންނަކީ، އާދަމް ވަޖީހު (އަކިރިކޮޅު), މުހައްމަދު ޝާއިރު (އަކިރިކޮޅު), އަބްދުﷲ ނާފިޒު(އަކިރިކޮޅު), މުހައްމަދު ނައުފަލް (ޓީނޭޖް ކުލަބް), އަދި މުހައްމަދު ފާރިޝް (ޓީނޭޖް ކުލަބް) އެވެ. އަދި މުބާރާތުގެ އެންމެ އުންމީދީ ކުޅުންތެރިއަކަށް ހޮވުނީ ހޫދު ހަސަން (ހަބޭސް) އެވެ.

މުބާރާތުގެ އެންމެ މޮޅު ކުޅުންތެރިޔަކަށް ހޮވުނު އަކިރިކޮޅުގެ އާދަމް ވަޖީހު އެވެ.