އިޒްރާއިލުން ސީރިޔާ އަށް ރޮކެޓް ހަމަލާއެއް ދީފިއެވެ.

އިޒްރާއިލުން ސީރިޔާ އަށް ދިން މި ހަމަލާ އެރީ ސީރިޔާގެ ހޮމްސް ސިޓީގެ ތެޔޮ ވިއްކާ ސްޓޭޝަނަކަށެވެ.

އެސްޓޭޝަންގައި ތެޔޮ ރައްކާކުރާ ޓޭންކަރަކާއި ފިޔުލް ޓްރަކެއް ވަނީ މި ހަމަލާގެ ސަބަބުން ހަލާކުވެފައެވެ. ރޮކެޓް ހަމަލާ އާއި ގުޅިގެން އެތަނުގައި ވަނީ އަލިފާން ރޯވެފައެވެ. ހަމަލާގެ ސަބަބުބް 3 މީހަކު މަރުވެފައިވާ ކަމަށް އަލްޖަޒީރާގައި ބުނެފައިވެއެވެ.

Advertisement

ސިރިޔާގެ ރަސްމީ ނިއުސް އެޖެންސީ ސަންނާ އިން ބުނެފައިވަނީ މި ހަމަލާގެ ސަބަބުން މަރުވެފައިވަނީ ޢާންމުންގެ ތެރެއިން 3 މީހެއް ކަމަށެވެ. އަދި ތެޔޮ ސްޓޭޝަންގައި ބޭނުން ކުރާ ގިނަ ޢަދަދެއްގެ ޓޭންކާއި ފިޔުލް ޓްރަކް ބޭނުން ނުކުރެެވޭ ވަރަށް އަނދައި ހުލިވެފައި ވާކަމަށެވެ.

"00:50 އެހާއިރު ލުބްނާން އާއި ދިމާއިން ވާގޮތަށް އިޒްރާއިލުން ވަނީ އެތައް ބައިވަރު ރޮކެޓެއް ސީރިޔާގެ އެކި ހިސާބުތަކަށް އަމާޒުކޮށް ފޮނުވައައިލައިފަ" ސަންނާ ގައި ބުނެފައިވެއެވެ.

މީގެ އިތުރުން ސަންނާ ގައި ބުނެފައިވަނީ އިޒްރާއިލުން ފޮނުވާލި ގިނަ ރޮކެޓްތައް އަމާޒުކުރި ހިސާބަށް ވާސިލް ވުމުގެ ކުރިން ސީރިޔާގެ ސިފައިން އެއެއްޗެހި ވައްޓައިލައި ފައި ވާކަމަށެވެ.

އެމެރިކާގައި ހުންނަ ސީރިޔާގެ ހަނގުރާމައިގެ ހާލަތު މޮނިޓަރ ކުރާ ހިޔުމަން ރައިޓްސް އެޖެންސީ އިން ބުނީ އިޒްރާއިލުން މި ހަމަލާ އަމާޒުކޮށްފައިވަނީ ސީރިޔާގެ އައްސޭރި ފަށާއި ކައިރީގައި ހިންގާ މިލިޓަރީ އެއަރޕޯޓަކަށް އަމާޒުކޮށް ކަމަށެވެ. އަދި އެތަނަކީ ލުބްނާންގެ ހިޒްބުއްﷲ ޖަމާޢަތުގެ މަރުކަޒެއް ކަމަށެވެ.

އަދި މިއީ މިމަހު އެ ތަނަށް އަމާޒުކޮށް އިޒްރާއިލުން ދިން ދެވަނަ ހަމަލާކަމަށެވެ.

މި ހަމަލާއާއި ގުޅިގެން އަދި އެއް އިޒްރާއިލް ސިފައިން އެއްޗެއް ބުނެފައެއް ނުވެއެވެ. 10 އަހަރުވަންދެން ސީރިޔާގައި ހިންގި ދާޚިލީ ހަނގުރާމަ ހިނގަމުން ދިޔައިރު 100 އަށް ވުރެ ގިނަ ރޮކެޓް އިޒްރާއިލުން ސީރިޔާ އަށް އަމާޒުކޮށް ފޮނުވާލައިފައިވެއެވެ.

އޭޕްރީލް 2 ވަނަ ދުވަހު އިޒްރާއިލުން ފޮނުވާލި ރޮކެޓް ހަމަލާ އެއްގެ ސަބަބުބް ސިރިޔާގެ 5 ސިފައިން ވަނީ ޒަހަމްވެފައެވެ. އަދި ހަމަ އޭޕްރީލް 9 ގައި ވެސް އިޒްރާއިލުން ވަނީ ސީރިޔަ އަށް ރޮކެޓް ހަމަލާ އެެއް އަމާޒުކޮށްފައެވެ.