އިންޑިޔާގެ ދިފާއީ ވަޒީރު ރަޖްނިތް ސިންހް ރާއްޖެ އަށް ކުރައްވާ ރަސްމީ ދަތުރުފުޅުގައި އެމްއެންޑީއެފްގެ ހެޑްކުއަރޓާސް އަށް ކުރައްވައިފިއެވެ.
އިންޑިޔާގެ ދިފާއީ ވަޒީރު ރަޖްނިތް ސިންހް ރާއްޖެ ވަޑައިގަތީ މިއަދުގެ މެންދުރު ފަހުގެ ވަގުތެއްގައެވެ. ރަޖްނިތް ސިންހް އަށް ވެލާނާ އިންޓަރނޭޝަނަލް އެއަރޕޯޓުން މަރުހަބާ ދެންނެވީ ރާއްޖޭގެ ދިފާއީ ވަޒީރު އަލްއުސްތާޒާ މާރިޔާ ދީދީއެވެ. އިންޑިޔާގެ ދިފާއީ ވަޒީރުގެ މިދަތުރު ފުޅަކީ ރާއްޖޭގެ ދިފާއީ ވަޒީރުގެ ދައުވަތަކަށް ކުރައްވާ ދަތުރު ފުޅެކެވެ.
އިންޑިޔާގެ ދިފާއީ ވަޒީރު މިއަދުވަނީ އެމްއެންޑީއެފްގެ އިންޓަރގްރޭޓެޓް ހެޑްކުއަރޓާސް އަށް ޒިޔާރަތް ކުރައްވާފައެވެ. އިންޑިޔާގެ ދިފާއީ ވަޒީރު އެމްއެންޑީއެފްގެ ހެޑްކުއަރޓާސް އަށް ވަޑައިގަތުމުން އެމަނިކުފާނަށް މަރުހަބާ ދެންނެވީ ޗީފް އޮފް ޑިފެންސް ފޯސް މޭޖަރ ޖެނެރަލް އަހްމަދް ޝަމާލާއި އެމްއެންޑީއެފްގެ އިސް ބޭފުޅުންނެވެ.
ނޮވެމްމަރު 3 ގެ ހަނދާނި ބިނާ އަށް ރަޖްނިތް ސިންހް ކުރެއްވެވި ޒިޔާރަތް
މީގެ އިތުރުން އިންޑިޔާގެ ދިފާއީ ވަޒީރު ވަނީ 3 ނޮވެމްބަރުގައި ޝަހީދުވި ސިފައިންގެ ހަނދާނުގައި ގާއިމް ކޮށްފައިހުރި ހަނދާނީ ބިނާ އަށް ޒިޔާރަތް ކުރައްވާފައި ވެއެވެ. އަދި އެމަނިކުފާނުގެ އަރިހުގައި ދިފާއީ ވަޒީރު މާރިޔާ ދީދިގެ އިތުރުން އެމްއެންޑީއެފްގެ އިސްވެރިންވެސް ބައިވެރިވެ ވަޑައިގެންފައިވެއެވެ.
Advertisement
This content is created and paid for by advertisers and does not involve Voice Journalists
