ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރުއަށް ދިން ހަމަލާ ސަރުކާރު ހިންގާ މައި ޕާޓީ އެމްޑީޕީއިން ކުށްވެރިކޮށްފިއެވެ.
އިއްޔެ ދެވުނު މި ހަމަލާއާއި ގުޅިގެން ފުލުހުންގެ މީޑިއާ އޮފިޝަލު "ވޮއިސް" އަށް ވިދާޅުވެފައިވަނީ، މެންބަރު ޒަރީރަށް ޙަމަލާ ދިންކަމުގެ މައުލޫމާތު އެ އިދާރަށް ލިބިފައިވަނީ އިއްޔެ ފަތިހު 05:08 ހާއިރު ކަމަށެވެ.
އަދި ޒަރީރަށް ޙަމަލާ ދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށް ކަމަށާއި ޙަމަލާ ދިނީ ކޮން ބައެއްކަމެއް ފުލުހުން ހާމައެއް ނުކުރެއެވެ.
މިކަމާއި ގުޅިގެން އެމްޑީޕީއިން މިއަދު ނެރެފައިވާ ބަޔާނުގައި ބުނެފައިވަނީ ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރުއަށް އަމާޒުކޮށް ބަޔަކު ދިން ހަމަލާ އެޕާޓީން އެންމެ ހަރުކަށި އިބާރާތުން ކުށްވެރިކުރާ ކަމަށެވެ.
އަދި މި ހަމަލާ ސީރިއަސް މައްސަލައެއްގެ ގޮތުގައި ދިވެހި ފުލުހުންގެ ހިދުމަތުން ތަހުގީގުކޮށް މި ނުރައްކާތެރި ކުށްކުރި މީހުން އިންސާފުގެ ކުރިމައްޗަށް ގެނައުމަށް އެޕާޓީއިން ވަނީ ގޮވާލައިފައެވެ.
Advertisement
This content is created and paid for by advertisers and does not involve Voice Journalists
