އިނގިރޭސި ވިލާތުގެ ރަސްކަމަށް ޗާލްސް ފިލިޕް ޖޯޖް ނުވަތަ ޗާލްސް 3ވަނަ ރަސްމީކޮށް ތަޚުތައް ވަޑުވައިފިއެވެ.

ޗާލްސް ރަސްކަމަށް އިސްކުރުމާއި އެކު އޭނާގެ އަނބިކަނބަލުން ކަމީލާ  އަށް ވަނީ ރާނީ ކަމުގެ ތާޖުވެސް ރަސްމީ އިއްޒަތުގައި އަރުވައިފައެވެ. 

އިނގިރޭސި ރާނީ ކަމީލާ

އިނގިރޭސި ވިލާތުގެ އެންމެ ދުވަސްވީ އަދި އެންމެ ތާރީޚީ ސިޓީ ކަމަށްވާ ވެސްޓްމިންސްޓާސްގައި ބޭއްވުނު މި ރަސްމިއްޔާތަށް 2،200 ޢިއްޒަތްތެރިން ވަނީ ވަޑައިގެންފައިވެއެވެ. 

ޗާލްސް ރަސްކަމާ ހަވާލުވެވަޑައިގަތުމުގެ މުނާސަބަތުގައި 1.42 މޭލު ސަރަހައްދެއްގައި އަސްކަރީ ހެވިކަމާއި ހުނަރު ދައްކާލުމުގެ ހަރަކާތް އޮންނާނެ ކަމަށް އިނގިރޭސި ޢަސްކަރިއްޔާ އިން ވަނީ ބުނެފައެވެ. 

އިނގިރޭސި ރަސްގެފާނު ޗާލްސް 3 ގެ ޝަރަފުގައި ބޭއްވި ރަސްމިއްޔާތުގައި 19 މިލިޓަރީ ބޭންޑަކާއި. 4000 އަސްކަރީ އޮފިޝަލުން، 250 އަސް އަދި 33 ކޮމަންވެލްތް ޤައުމެއްގެ މަންދޫބުން ވަނީ ބައިވެރި ކުރެވިފައެވެ.

އިނގިރޭސި މީޑިއާ ތަކުން ބުނެފައިވަނީ މިއީ ފާއިތުވި 70 އަހަރުތެރޭގައި ބޭއްވޭނެ އެންމެ ފުރިހަމަ ޢަސްކަރީ ހަރަކާތައް ކަމަށެވެ.