މީދޫ ޖަމްޢިއްޔަތުއް ޞަލާޙް ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަރ ރިސޯޓް ފުޓްސަލް ޗެލެންޖު " އާރުޑީސީ ރާބަދި ޗެލެންޖް 2023" މާދަމާ ރޭ ފެށުމަށް ވަނީ ހަމަޖެހިފައެވެ.

މުބާރާތް ފެށުމުގެ ގޮތުން މާދަމާރޭ ކުޅެވޭ ޗެރިޓީ ޝީލްޑް މެޗުގައި ބައްދަލުކުރާނީ އެންމެ ފަހުގެ ޗެމްޕިއަން ޖޯލިބީއިން އާއި ރަނަރަޕް ޔޫ އެންޑް މީ އެވެ. މިދިޔަ އަހަރުގެ ރާބަދި ޗެލެންޖް ފައިނަލްގައި މިދެޓީމު ވާދަކުރި މެޗު 6-0 ގެ ތަފާތުބޮޑު ނަތީޖާއަކުން ކާމިޔާބުކުރީ ޖޯލިބީއިން އެވެ.

މިއަހަރުގެ ރާބަދި ޗެލެންޖް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި 14 ޓީމު ހަތަރު ގުރޫޕަކަށް ބަހާލައިގެންނެވެ. ގުރޫޕް އެކެއް އަދި ދޭއްގައި ހަތަރު ޓީމު ހިމެނޭ އިރު އަނެއް ދެ ގުރޫޕުގައި ހިމެނެނީ ތިން ޓީމެވެ.

Advertisement

ގުރޫޕް އެކެއް އަދި ދޭއްގެ އެއްވަނަ އަދި ދެވަނަ ޓީމު މުބާރާތުގެ ކުއާޓާ ފައިނަލަށް ހޮވޭއިރު ގްރޫޕް ތިނެއް އަދި ހަތަރަކުން ކުއާޓާގެ ފުރުސަތު ލިބޭނީ ގްރޫޕްގެ އެއްވަނަ ޓީމަށެވެ. އަދި ކުއާޓާ ފައިނަލުގެ ފަހު ދެޖާގަ ލިބޭނީ ގްރޫޕް ތިނެއް އަދި ހަތަރެއްގެ ތިންވަނަ ޓީމާއި ހަތަރުވަނަ ޓީމުގެ މެދުގައި ޕްލޭއޮފް ދެމެޗު ކުޅުމަށްފަހު އެ ދެމެޗުން މޮޅުވާ ދެޓީމަށެވެ.

މީދޫ ޖަމްޢިއްޔަތުއް ޞަލާޙް ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަރ ރިސޯޓް ފުޓްސަލް ޗެލެންޖުގައި މިއަހަރު 14 ޓީމެއް ބައިވެރިވެފައިވެއެވެ.

މިއަހަރުގެ ރާބަދި ޗެލެންޖް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި 14 ޓީމު ހަތަރު ގުރޫޕަކަށް ބަހާލައިގެންނެވެ. ގުރޫޕް އެކެއް އަދި ދޭއްގައި ހަތަރު ޓީމު ހިމެނޭ އިރު އަނެއް ދެ ގުރޫޕުގައި ހިމެނެނީ ތިން ޓީމެވެ.

ގުރޫޕް އެކެއް އަދި ދޭއްގެ އެއްވަނަ އަދި ދެވަނަ ޓީމު މުބާރާތުގެ ކުއާޓާ ފައިނަލަށް ހޮވޭއިރު ގްރޫޕް ތިނެއް އަދި ހަތަރަކުން ކުއާޓާގެ ފުރުސަތު ލިބޭނީ ގްރޫޕްގެ އެއްވަނަ ޓީމަށެވެ. އަދި ކުއާޓާ ފައިނަލުގެ ފަހު ދެޖާގަ ލިބޭނީ ގްރޫޕް ތިނެއް އަދި ހަތަރެއްގެ ތިންވަނަ ޓީމާއި ހަތަރުވަނަ ޓީމުގެ މެދުގައި ޕްލޭއޮފް ދެމެޗު ކުޅުމަށްފަހު އެ ދެމެޗުން މޮޅުވާ ދެޓީމަށެވެ.

މާދަމާ ރެއިން ފެށިގެން މިމަހުގެ 16 ވަނަ ދުވަހުގެ ނިޔަލަށް މުބާރާތުގެ ގުރޫޕް ސްޓޭޖް މެޗުތައް ކުރިއަށްދާއިރު، ކޮންމެ ރެއަކުވެސް ދެ މެޗު ކުޅުމަށް ވަނީ ހަމަޖެހިފައެވެ. މެއި 17 ވަނަ ދުވަހު ގްރޫޕް ތިނެއް އަދި ހަތަރެއްގެ ޕްލޭއޮފް ދެމެޗު ކުޅޭއިރު، މެއި 18 އަދި 19 ވަނަ ދުވަހު މުބާރާތުގެ ކުއާޓާ ފައިނަލުގެ ހަތަރު މެޗު ކުޅުމަށް ވަނީ ހަމަޖެހިފައެވެ. މުބާރާތުގެ ސެމީ ފައިނަލްގެ ދެމެޗް މެއި 20 ވަނަ ދުވަހުގެ ރޭ ކުޅުމަށް ހަމަޖެހިފައިވާ އިރު ފައިނަލް މެޗު އޮންނާނީ މެއި 22 ވަނަ ދުވަހުގެރޭ އެވެ.  

ރާބަދި ޗެލެންޖް އެންމެ ފުރަތަަމަ ބާއްވާފައިވަނީ 2019 ވަނަ އަހަރު އެވެ. އަދި އެ މުބާރާތުގެ ފައިނަލުގައި މީދުއްޕަރު 4-3 ގެ ނަތީޖާއަކުން ބަލިކޮށް ޗެމްޕިއަންކަން ހޯދީ ދިގަލި މޯލްޑިވްސް އެވެ. އަދި އެކި ސަބަބުތަކާ ހުރެ 2020 އަދި 2021 ވަނަ އަހަރު މުބާރާތް ނުބޭއްވި ދިއުމަށް ފަހު މިދިޔައަހަރު ވަނީ އަލުން ރާބަދި ޗެލެންޖް ބާއްވަން ފައްޓަފައެވެ. އަދި މިއަހަރުގެ މުބާރުގެ މީޑިއާ ޕާޓްނަރަކީ ވޮއިސް އެވެ.