އިންހޭލަރ ޖަހަން ބޭނުން ނުވާތީ ނޭވާހިއްލުމުގެ ބައްޔަށް ފަރުވާނުކުރުމަކީ އިހުމާލުވުން ކަމަށް ރާއްޖޭގެ މަޝްހޫރު ޑޮކްޓަރ ޑރ މުހައްމަދު ޢަލީ ވިދާޅުވެއްޖެއެވެ. 

"ގިނަކުޑަކުދިންނަށް މި  ބަލީގެ  ފަރުވާ  ނުލިބެނީ  ބެލެނިވެރިންނާއި  އާއިލާއިން  ބައްޔަށް  ފަރުވާ  ދޭން  ބޭނުންކުރާ  އިންހޭލަރ  ޖަހަން  ބޭނުން  ނުވާތީ  އެއީ  އިހުމާލުވުން" ޑރ މުހައްމަދު ޢަލީ ވިދާޅުވެފައިވެއެވެ. 

މީގެ އިތުރުން ޑރ ވިދާޅުވީ އާއިލާގައި ނޭވާހިއްލާ  މީހުން  ނެތިއްޔާ  މިބަލި  ނުޖެހޭނެ  ކަމަށް ބުނާ ވާހަކަ އަކީ  ދޮގެއް ކަމަށެވެ. އަދި ނޭވާހިއްލުމަކީ  ގައިން  ގަޔަށްއަރާ  ބައްޔެއް  ނޫން ކަަމަށް ވެސް ޑރ ވިދާޅުވެފައި އެވެ.

Advertisement

މީގެ އިތުރުން  އިންހޭލަރ  އަކީ  ދެވިހިފާއެއްޗެއް ކަމަށް ބުނާ ވާހަކަ އަކީ ދޮގެއް ކަމަށާއި  މާބަނޑުއިރު  އިންހޭލަރ  ނުޖެހޭނެ  ކަމަށް ބުނާ ވާހަކަ އަކީވެސް ދޮގެއް ކަމަށް ޑރ ވިދާޅުވެފައިވެއެވެ. އަދި ކުޑަކުދިންނަށް  ރަނގަޅީ  އިންހޭލަރ  ނުޖަހަ  ވިއްޔާ  ކަަމަށް ބައެއް މީހުން ބުނާ ވާހަކަ އަކީ ރަނގަޅު ވާހަކައެއް ނޫން ކަމަސްވެސް އޭނާ ވިދާޅުވެފައި ވެއެެވެ. 

ނޭވާހިއްލާ  މީހުން  ހަމައެކަނި  ދިގުމުއްދަތަކަށް  ކެއްސުމެއް  އެކަނިވެސް  ހުރެދާނެ ކަަމަށާއި،  ޕަލްމޯނަރީ  ފަންކްޝަން  ޓެސްޓު  ރަނގަޅިއްޔާ  ދެން  އިންހޭލަރ  ޖަހާކަށް  ނުޖެހޭނެ ކަމަށް ބުނާ ވާހަކައަކީ  ދޮގެއް ކަމަށް ޑރ ވިދާޅުވެފައި ވެއެވެ.

ޑރ މުހައްމަދު ޢަލީ ވިދާޅުވީ މި ބަލީގާ ނޭޝަނަލް  ސެންޓަރ  ފޮރ  ރެސްޕިރޭޓަރީ  މެޑިސިންގެ  އޯޕީޑީއަށް
2020އިން ފެށިގެން  2022  ގެ  ނިޔަލަށް   4333  މީހުން ދައްކާފައިވާ ކަމަށެވެ. އަދި އެވެރެޖްކޮށް  ދުވާލަކަށް  3  މީހަކަށް ފަރުވާ ދެވިފައިވާ ކަމަށެވެ.