މީދޫ ޖަމްޢިއްޔަތުއް ޞަލާޙް ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަރ ރިސޯޓް ފުޓްސަލް ޗެލެންޖު " އާރުޑީސީ ރާބަދި ޗެލެންޖް 2023" ގައި މިރޭ ކުޅެވުނު ދިގަލި މޯލްޑިވްސް އާއި ކޯރާ ކޯރާ ވާދަކުރި މެޗު އެއްވަރުވިއިރު، ރީތިފަރު އަތުން ކުޑަފުށި ތަފާތުބޮޑު ނަތީޖާއަކުން މޮޅުވެއްޖެ އެވެ.

މިރޭގެ ފުރަތަަމަ މެޗުގައި ދިގަލި މޯލްޑިވްސް އާއި ކޯރާ ކޯރާ ވާދަކުރި މެޗުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މި މެޗުގައި ފުރަތަަމަ ލަނޑުޖަހައި ކުރިހޯދީ ކޯރާ ކޯރާ އިންނެވެ. މިލަނޑު މެޗުގެ ފުރަތަަމަ ހާފުގައި އެޓީމަށް ކާމިޔާބުކޮށްދިނީ އާދަމް ތައުފީގެވެ. ދެވަނަ ހާފުގައި ދިގަލި ޓީމަށް ނަތީޖާ އެއްވަރުކޮށްދިނީ އެޓީމުގެ އަހުމަދު ފިރުޝާން އެވެ. އަދި މި މެޗުގެ މޭން އޮފް ދަ މެޗަކަށް ހޮވުނީ ކޯރާކޯރާގެ އާދަމް ތައުފީގެވެ.

ދިގަލި މޯލްޑިވްސް އާއި ކޯރާކޯރާ ވާދަކުރި މެޗު ފެށުމުގެ ކުރިން ދެޓީމުގެ ކެޕްޓަނުން ފޮޓޯއަކަށް ހުއްޓިގެން 

މިރޭގެ ދެވަަނަ މެޗުގައި ރީތިފަރު އަތުން ކުޑަފުށި މޮޅުވީ 6-0 ގެ ތަފާތުބޮޑު ނަތީޖާއަކުންނެވެ. މި މެޗުގެ ފުރަތަަމަ ހާފުގައި ކުޑަފުށީ ޓީމަށް ލީޑު ހޯދައިދިނީ އެޓީމުގެ މުހައްމަދު އާސިފްއެވެ. މިހާފުގައި ކުޑަފުށީ ޓީމަށް އެންމެ ލަނޑެއް ކާމިޔާބުކުރެވުނު ނަމަވެސް ދެވަނަ ހާފުގައި އެޓީމުން އިތުރު ފަސް ލަނޑު ކާމިޔާބުކުރުއެވެ. 

ދިގަލި މޯލްޑިވްސް އާއި ކޯރާކޯރާ ވާދަކުރި މެޗު ތެރެއިިން 

މި މެޗުގެ ދެވަަނަ ހާފުގައި ކުޑަފުށީ ޓީމުގެ އިބްރާހިމް އަޒުމޫން ތިން ލަނޑު ކާމިޔާބުކޮށް ހެޓްރިކް ހެދިއިރު، އެޓީމުގެ އަނެއް ދެ ލަނޑު ކާމިޔާބުކޮށްދިނީ އަހުމަދު ޒިހާން އާއި އަހުމަދު އަޔާޒެވެ. އަދި މި މެޗުގެ މޭން އޮފް ދަ މެޗަކަށް ހޮވުނީ ކުޑަފުށީ ޓީމުގެ ފުރަތަަމަ ލަނޑު ކާމިޔާބުކޮށްދިން މުހައްމަދު އާސިފްއެވެ.

ކުޑަފުށި އަދި ރީތިފަރު ވާދަކުރި މެޗު ތެރެއިިން 

މި މުބާރާތުގައި މާދަމާރޭ ވެސް ދެ މެޗު ކުޅުމަށް ހަމަޖެހިފައިވާއިރު، 21:00 ގައި ފަށާ ފުރަތަމަ މެޗުގައި ބައްދަލުކުރާނީ އެންމެ ފަހުގެ ޗެމްޕިއަން ޖޯލިބީއިން އާއި ފުރަވެރި މޯލްޑިވްސް އެވެ. އަދި 22:00 ގައި ފަށާ ދެވަނަ މެޗުގައި ބައްދަލުކުރާނީ ހެރިޓެންސް އާރަށާއި އޫ އެންޑް މީ މޯލްޑިވްސް އެވެ.