ރާއްޖޭގެ ޓޫރިޒަމް ދާއިރާގައި ބާއްވާ އެންމެ ބޮޑު ކުޅިވަރު ހަރަކާތް "ރިސޯޓް ލީގު 2023" ގެ ގްލޯބަލް ޗެރިޓީ ޕާޓްނަރަކަށް އައިއޭސީ ހަމަޖައްސައިފިއެވެ.

ގްލޯބަލް ޗެރިޓީ ޕާޓްނަރާއެކު ބޭއްވި ސޮއި ކުރުމުގެ ރަސްމިއްޔާތުގައި ބިގް ގޭމް މޯލްޑިވްސްގެ ފަރާތުން ސޮއިކުރެއްވީ ރިސޯޓް ލީގު 2023 ގެ ޕަބްލިކް ރިލޭޝަން އިސްމާއިލް މުފީދު (ބިއްލެ) އެވެ.  އައިއޭސީގެ ފަރާތުން ސޮއިކުރެއްވީ މީޑިއާ އެންޑް ޕީއާރު ޑައިރެކްޓަރ އަޒުހަދު އަހުމަދު އެވެ.

ވޮއިސް އަށް މައުލޫމާތު ދެއްވަމުން ރިސޯޓް ލީގު 2023 ގެ ޕަބްލިކް ރިލޭޝަން އިސްމާއިލް މުފީދު ވިދާޅުވީ މި މުބާރާތް ބާއްވަންފެށިތާ 10 އަހަރު ވުމާއި ގުޅިގެން ޚާއްސަ ކަމެއްގެ ގޮތުގައި މިއަހަރުގެ މުބާރާތުގައި ނެޝަނަލް އަދި ގްލޯބަލް ޗެރިޓީ ޕާޓްނަރުން ހަމަޖައްސާފައިވާ ކަމަށެވެ.

މިގޮތުން ނެޝަނަލް ޗެރިޓީ ޕާޓްނަރަކަށް އެހީ ޖަމްޢިއްޔާ ހަމަޖައްސާފައިވާ އިރު ގްލޯބަލް ޗެރިޓީ ޕާޓްނަރަކަށް އައިއޭސީ ހަމަޖެއްސުމުގެ އެންމެ ބޮޑު މަގުސަދަކީ މިފަދަ އެންޖީއޯ ތަކުން މިކުރާ މަސައްކަތްތައް ޓޫރިޒަމް ސެކްޓާއަށް ތައާރަފްކޮށް މި ޕްރޮގްރާމްތަކުގައި ބައިވެރިވުމަށް  ފުރުސަތު ހުޅުވާލުމެވެ.

އިންޓަނޭޝަނަލް އެއިޑް ކެމްޕެއިންގެ ފަރާތުން ވޮއިސް އަށް މައުލޫމާތު ދެއްވަމުން އެޖަމްޢިއްޔާގެ މީޑިއާ އެންޑް ޕީއާރު ޑައިރެކްޓަރ އަޒުހަދު އަހުމަދު ވިދާޅުވީ ރިސޯޓް ލީގު ފަރާތުން މިފަދަ ހުށަހެޅުމެއް ލިބުމުން އުފާކުރާ ކަމަށާއި މީގެ ސަބަބުން އިތުރު ގިނަ ބަޔަކަށް އައިއޭސީގެ މަސައްކަތް އެގިގެންދާނެކަމަށާއި، ނަތީޖާއެއްގެ ގޮތުން ދުނިޔޭގެ އެކި ކަންކޮޅުތަކުގައި ހާލުގައި ޖެހިފައިވާ ފަރާތްތަކަށް އެހީތެރިވުމުގައި އިތުރު ގިނަ ބައެއްގެ ބައިވެރިވުން ލިބިގެންދާނެކަމަށް ގަބޫލުކުރެވޭ ކަމަށެވެ.

އިތުރަށް ވާހަކަދައްކަމުން އަޒުހަދު ވިދާޅުވީ އައިއޭސީގެ ފަރާތުން ދާދިފަހުން ކުރިއަށް ގެންދިޔަ ތަޖްރީ ކެމްޕެއިންގެ ތެރެއިިން އެޅުމަށް ނިންމާފައިވާ ހަތަރު މިސްކިތުގެ ތެރޭގައި، ފަލަސްތީނުގެ ވެރިރަށް ގައްޒާގައި ބޮޑު މިސްކިތެއް އެޅުމަށްވެސް ވަނީ ނިންމާފައެވެ.  މީގެއިތުރުން މިވަގުތު އަޅުގަނޑުމެންގެ އެންމެ ބޮޑު އަމާޒަކީ އެކި ގައުމުތަކުގައި ދެމެހެއްޓެނުވި ގޮތެއްގައި އަމިއްލަ ދިރިއުޅުން ބިނާކުރާނެ ގޮތްތައް ފަހިކޮށްދީ އިޖުތިމާއީ ތަރައްޤީ ގެނައުމެވެ.

އައިއޭސީގެ ފަރާތުން މިހާރު މިދަނީ ބޮޑެތި ޕްލޭންތަކެއް ހަދަމުންނެވެ. އޭގެތެރޭގައި މޮޑެލް ވިލެޖް ، ވޯޓާ ނެޓް ވޯކް، ސްކޫލްގެ އިތުރުން އެކި ގައުމުތަކުގައި ގިނަ ފެސިލިޓީސްތައް ބިނާކުރުމުގެ މަސައްކަތް ހިމެނެއެވެ. މީގެތެރެއިން ހޯމް އަދި ތަޖްރީ ޕްރޮޖެކްޓް ހިމެނޭގޮތަށް މިޖަމްއިއްޔާއިން ހިންގާ އެހީގެ ޕްރޮގްރާމް ތަކުގައި ބައިވެރިވުމަށް ބޭނުން ކޮންމެ ފަރާތަކަށް ވެސް އެފުރުސަތު ވަނީ ހުޅުވާލެވިފައެވެ.

މައުލޫމާތު ސާފުކުރެއްވުމަށް ގުޅުއްވާނީ ނަންބަރު: 9122121

ދެމިގެން ދަނިވި ޞަދަޤާތްތައް ކޮށްލަން ބޭނުންފުޅުވާ ފަރާތްތަކުން ތިރީގައިވާ އެކައުންޓު ހިޔާރު ކުރަށްވާ!

ބީއެމްއެލް އިސްލާމިކް

އެކައުންޓް ނަމްބަރު: 7770000062742

އެކައުންޓް ނަން: International Aid Campaign

އެކައުންޓް ލޭބަލް: IAC | SADAQA JARIYA

"ހޯމް" ޕްރޮޖެކްޓުގައި ބައިވެރިވެ އެކިއެކި އިޖްތިމާއީ ތަރައްގީގެ ޕްރޮޖެކްޓްތަކުގައި ބައިވެރިވުމަށް:

ބީއެމްއެލް އިސްލާމިކްއެކައުންޓް ނަމްބަރު : 7770000062744

އެކައުންޓް ނަން: International Aid Campaign

އެކައުންޓް ލޭބަލް: HOME

އައި.އޭ.ސީގެ ޕްރޮޖެކްޓްތަކުގެ އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.