ޢަދާލަތް ޕާޓީ އިން މިއަހަރުގެ ސެޕްޓެމްބަރ މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގެ ކެމްޕޭނު  ވިލަރެސް ކުރުމަށް ސްޓްއަރިންގ ކޮމިޓީއެއް އުފައްދައިފިއެވެ.

އެކޮމިޓީ އަކީ 13 މެމްބަރުންގެ މައްޗަށް އެކުލަވައިލައިފައިވާ ކޮމިޓީއެކެެވެ. މި ކޮމިޓީ އުފައްދާފައި ވަނީ  8 މެެއި ގައި ބޭއްވުމު ޢަދާލަތު ޕާޓީގެ 3 ވަނަ ދައުރުގެ މަޝްވަރާ މަޖިލީހުގެ 23 ވަނަ ބައްދަލުވުމުގައެވެ.

މި ބައްދަލު ވުމުގައި 2023 ގެ  ރިޔާސީ އިންތިޚާބުގައި ޢަދާލަތު ޕާޓީގެ ކެމްޕޭން މެނޭޖަރު ކަމަށް ނާއިބް ރައީސް އަލްފާޟިލް މުޙައްމަދު ޢިޔާދު ޙަމީދު ވަނީ އަޢްޔަނުކޮށްފައެެވެ. ސްޓައަރިން ކޮމިޓީގެ 3 ނައިބް ރައީސް އެއް ތިބެއެވެ.

އެއް ނައިބު ރައީސް އަކީ މުޙައްމަދު އިޔާދު ޙަމީދެވެ. އަނެެއް ނައިބު ރައީސް އަކީ އަހްމަދު ޝަރީފެވެ. ތިންވަަނަ ނައިބަކީ ޑރ ނައުޝާދު މުޙައްމަދެވެ.

އަމީން ޢާމަކީ އަހްމަދު ޝިޔާޒެވެ. އަމީން ޢާންމުގެ ނައިބަކީ ޝައިޙް ޢަބްދުالله ރަޝީދެވެ. އިސްތަރުޖަމާނަކީ ޢަލީ ނަޡީރެވެ. ރަޖިސްޓަރ އަކީ ޝާފިޢު ޢަލީ އެވެ.

މީގެ އިތުރުން ހަރަކާތު ކޮމިޓީގެ މުޤައްރިރަކަށް އާދަމް މުޙައްމަދު، އިޤްތިޞާދީ ކޮމިޓީ ގެ މުޤައްރިރަކަށް މުޙައްމަދު ޢަލީ، ބޯހިޔާވަހިކަމާއި ޢުމްރާނީ ތަރައްޤީ ކޮމިޓީ ގެ މުޤައްރިރަކަށް ޢަލީ ޝަރީފް، ސްޓްރެޖެޓިކް ޕޮލިސީ ކޮމިޓީގެ މުޤައްރިރަކަށް ޑރ އަޙްމަދު އިނާޒް، ޤާނޫނީ ކޮމިޓީގެ މުޤައްރިރަކަށް އުސްތާޒް އިބްރާހިމް ފަޔާޒް އަދި ތަޢުލީމާއި ތަރުބިއްޔަތު ކޮމިޓީގެ މުޤައްރިރަކަށް ޝައިޙް މުޙައްމަދު ޝިފާން އައްޔަނުކޮށްފައިވެއެވެ.

މިއަަހަރު ބޭއްވުމަށް ހަމަޖެހިފައިވާ ރިޔާސީ އިންތިޙާބުގައި ބައިވެރިވުމަށް ޢަދާލަތު ޕާޓީ އިން ވަނީ ރައީސް އިބްރާހިމް މުޙައްމަދު ޞާލިޙާއި އެކު ކޯލިޝަން ހަދައިފައެވެ. އެ ކޯލިޝަން ގައި ހިމެނެނީ އެމްޑިޕިގެ ރައީސް ޞާލިޙްގެ ސަޕޯޓަރުންނާއި، ޢަދާލަތު އަދި ސަން ސިޔާމު ގެ އެމްޑީއޭ އެވެ.